早排好天到暈，唔出戶外行吓玩吓真係對唔住自己。Soul剛剛推出兩款運動型耳機COMBAT+及TRANSFORM，實在適合Sporty一族，其寬闊頭帶採用透氣設計，耳墊更加可換可洗，出了一身大汗都冇有怕。當中「重型設計」的COMBAT+更是由飛人保特代言，戴住佢跑步，唔知會唔會跑得快咗？

Soul $1,899
有黑、螢光黃、藍三色選擇）

隨機附有Comply記憶綿耳墊及網織耳墊以供替換。

機身設計符合人體工學，佩戴得穩固之餘亦唔覺太緊。

COMBAT+機面設有磁貼面蓋，可因應個人喜好「改裝」。

TRANSFORM $1,199
TRANSFORM僅重150g，在同級耳機中屬輕身一族。

頭帶採用聚氨酯物料製造，透氣之餘亦戴得穩陣。

網織耳墊同樣也可拆下，定時清洗夠衛生。

COMBAT+「飛人」之選

較高階的COMBAT+重240g，做工明顯較靚，比例上甚闊的頭帶採中空設計，確保戴得穩陣的同時亦夠晒透氣。耳機用料也相當講究，機身採用防汗防菌物料製造，耳墊還可因應使用需要而更換。隨機跟埋Comply記憶海綿以及一對網織耳墊，預咗會做劇烈運動流大汗的話，可換上網織耳墊，用完後可清洗再用。音色表現還算不錯，低音厚，高音亦算精準，聽節奏較強歌曲會更啱聽！

TRANSFORM輕巧啱女生

相對之下，僅重150g的TRANSFORM明顯輕盈得多。頭帶採用聚氨酯物料製造，都戴得幾穩陣，亦唔覺侷促，又用上可拆除及清洗的網織耳墊，照顧到熱愛運動人士的需求，亦較適合女生用。至於音色表現則不過不失，最搶眼的，莫過於有螢光黃色同藍色這兩隻醒目配色可揀。

查詢：2262 1173