鴛鴦色唔係Fashion界嘅專利，就連足球界都玩得起！撞色波Boot唔係新奇事，橙加綠、藍搭黃都見慣不怪，不過點都唔夠PUMA Tricks嘅湖水藍配粉紅玩到咁盡，唔只顏色夠Sharp，而且並唔係常見嘅一隻Boot有兩種色，而係左、右腳玩唔同色，出位成咁，今鋪仲唔畀「美洲豹」搶晒風頭？

PUMA Tricks嘅鴛鴦色設計，對後生仔嚟講相信會更易受落，唔怪得法比加斯咁Buy啦！

evoSPEED 1.2 Tricks FG $1,399

evoSPEED絕非一味靠輕，踭位就設有罩形組件，藉鎖實腳踭嚟提高穩定作用。

鞋籠內設有EverFit Cage，令輕薄嘅鞋身都有唔錯嘅支撐效果。

鞋底中段用咗Speedtrack Spine設計，即使喺高速之下，每次着地都可保持穩定。

evoPOWER 1 Tricks FG $1,399

鞋尾嘅橡膠弧圈並非單純嘅裝飾位，當用家蹬直腳背射波，呢個位置亦可以隨之大幅度屈曲，原理同G.S.F.相近，令射球變得更有力、自然。

鞋身中段兩側都設有EverFit Cage，加強對中足嘅包覆效果。

鞋頭位置設計成凹凸形狀，內藏AccuFoam泡綿，藉加強與足球嘅摩擦而提升射波以及長傳時嘅準確度。

evoSPEED 5.2 IT $499

evoPOWER 4 TT $599

evoPOWER Grip 2 RC龍門手套 $499

evoPOWER 5護脛 $99

正如伍晃榮所講︰波係圓嘅，足球最引人入勝嘅地方，就係估你唔到，原來驚喜之處唔只排陣、戰術、戰程發展以至賽果，就連裝備方面都可以喜出望外。既然今年係四年一度嘅世界盃，PUMA一於玩盡佢，除咗喺今年初推出全新波Boot系列evoPOWER，最近仲將evoPOWER連同另一款王牌波Boot evoSPEED，齊齊加推鴛鴦色嘅Tricks系列，並將於明日在港開售。既然專為大賽而設，當然唔少得星級用家，當中包括意大利嘅巴洛迪利、阿根廷嘅阿古路、德國嘅馬高萊斯、哥倫比亞嘅法卡奧、法國嘅基奧特、科特迪瓦嘅耶耶托利，以及西班牙嘅法比加斯。法比加斯選用evoPOWER，對於呢位新拍檔，以至Tricks嘅新賣相都相當受落，他認為︰「由今年一月起，我已經着evoPOWER比賽，呢款新Boot真係好舒服。我相信我哋國家隊喺今屆世界盃會走得好遠，PUMA Tricks嘅鮮艷顏色，將會陪我享受呢次旅程。」

evoPOWER腳腳七注

筆者平日都有約Friend踢波，老老實實，揀波Boot，外在美對我嚟講其實係錦上添花，功能設計先係王道，雙色設計嘅evoPOWER及evoSPEED又會唔會得個樣？其實evoSPEED Tricks嘅功能設計，完完全全跟足最初推出嘅橙紅色版本，包括最特別嘅赤足理念，就係鞋底用咗G.S.F.彈性穩定支撐系統，可以大幅度屈曲，射波時鞋形能夠緊貼腳形變化，唔會因為鞋底太硬而嘥咗腳力，POWER之名由此而嚟。除此之外，鞋面用咗單向延伸性微纖維（AdapLite Microfiber Material）製成，輕薄、柔軟之餘，仲有充足嘅橫向抵禦能力，射波時就算鞋底有明顯屈曲，鞋面喺強力拉扯下都可以保持貼腳而唔夾腳嘅效果，射波大力咗又舒服咗，邊個唔Like先？

evoSPEED草上飛

若然你自問唔係力量型球員，反而對自己嘅速度及靈活性有更大信心，即係好似阿古路咁，一開Turbo冇人追到，濕毛巾上身更加令對手變成雪糕筒嘅話，evoSPEED就正係你杯茶。呢款波Boot以輕量化為設計大方向，鞋面以薄身、輕巧嘅人造物料製成，幫助用家跑得更快，貼腳程度亦相當高，球感分外直接，而且看似平滑嘅鞋面上，其實滿布幼細紋理，無論你用鞋頭、腳內側或外側掂波，一定程度上都可增加摩擦效果。鞋籠方面就有一層EverFit Cage物料，所以即使鞋面又輕又薄，都有唔錯嘅支撐作用，而且由鞋舌、踭位以至鞋領都加有墊位，避免因鞋身太薄而令腳背、足踝及腳踭承受過多壓力，着得舒服，起跑、加速都爽快過人啦！

人人Tricks得起

PUMA Tricks嘅雙色設計，唔只喺綠茵場上大放異彩，就算係香港人踢開嘅石地場、人造草場都型得起，事關除咗真草場版本嘅「FG」，分別專為石地場及人造草場而設嘅IT版及TT版亦會同步上架，就連相關嘅護脛及龍門手套都用埋左右鴛鴦色，PUMA今次嘅撞色美學真係玩得好徹底。

查詢：2834 3821（PUMA）