近年咩都話要玩智能，就連常見嘅生活用品都玩埋一份；最近就有新款智能產品，外形似乎無甚特別，點知配對手機、平板等裝置後，就可以同App互動，玩法從此不一樣！

內置節能、夜間等多個模式，可預設燈泡發光以及播放音樂的開關時間。

燈光顏色係暖白色，5W功率都夠光猛；另外唔用App的話，Playbulb照樣可以當普通燈泡咁用。 $499（a）

用上螺絲燈腳，一般家庭合用。

控制主介面分為兩部分，上半為光暗控制，下半則為音樂控制，簡單易用。

錶身都夠輕，戴上手幾舒服。$899（b）

錶側設有三個按鍵，用作開啟配對模式及調校時間。

刻度中間暗藏圖示，一般情況睇唔到，手機收到提示先會着燈。

可以設定不同類型提示，例如來電、訊息、電郵等等，常用App都支援提示功能。

Mipow Playbulb喇叭加燈泡

以前啲智能家居示範短片，話靠部iPad就可以控制晒全屋電器，相當方便！依家又有新嘢玩，皆因Mipow新出咗Playbulb，睇起來同一般家用燈泡冇分別，其實佢支援藍芽4.0，只要同iOS、Android裝置透過藍芽連接，就可以用《Playbulb》App遙距控制燈泡開關同光暗，連行去燈掣嘅腳骨力都可以慳番！話明叫Playbulb，就咁用App控制當然唔夠玩味，查實燈泡本身係個迷你喇叭，隨時可以遙距播歌，邊照明、邊聽歌，咁樣一物二用，估佢唔到喇啩？

Cogito Pop傳統錶智能芯

智能手錶呢幾年頻頻出爐，可惜隻隻都科技感太重，唔多襯女仔！新作Cogito Pop就唔同，單睇設計，錶身、錶帶、指針、同一般腕錶無分別，其實內有玄機，皆因佢支援藍芽4.0技術，只要與iOS、Android裝置連接後，再下載專用App《Connected Watch》；手機一接到來電、Whatsapp、社交網絡等提示時，錶身就會震動兼發出Beep一聲，而錶面10點至2點刻度中間嘅隱藏LED圖示仲會同時亮起。順帶一提，Cogito Pop仲備有黑、白、桃紅、藍、紫、灰六色可揀，咩Style都啱。

查詢：（a）2959 6226、（b）2553 1151