新一年，迎接新事物，看到有篇文章想跟大家分享。文章是英文，我盡量譯得傳神一點：在一個懷孕媽媽的肚子裏，是一對雙胞胎。

孖一問孖二：「喂，你信唔信分娩之後仲有生命？」孖二：「梗係信啦，分娩之後梗有啲嘢嘅，可能我哋依家就係喺度準備緊。」「黐線，肯定唔會啦，分娩之後仲點會有生命。」孖二：「我唔知呀，但係我覺得會比呢度光啲，話唔定我哋會用腳行路，同埋用口食嘢呢！」孖一不認同：「荒謬！行路？冇可能啦！用口食嘢？你都黐筋嘅，依家我哋有臍帶先有嘢食，條臍帶得咁短，我哋出到去實冇嘢食，死梗啦！」孖二說：「可能我哋出到去係唔同o架呢！」孖一堅持：「出咗去之後冇人返過嚟喇！分娩之後係死路一條，只有黑暗同不安！」

孖二仍然樂觀：「唔知呢，但係出到去我哋肯定會見到媽媽，有媽媽喺度，佢會照顧我哋啦。」孖一：「媽媽？你真係信有媽媽？如果有，佢依家喺邊呀？」「佢就喺我哋四周圍囉，我哋喺佢裏面生活，冇佢，就冇我哋呢個世界。」「呵，我從來都冇見過佢，就算我話佢係唔存在嘅，都好合邏輯吖！」「唔係喎，寧靜嘅時候你會聽到佢、感覺到佢o架。我深信分娩之後，我哋就會知道呢個事實，而我哋依家就係準備緊去迎接呢個事實。」媽媽肚子裏的截聽到這裏就完了。肚子裏的這兩個角色，有點像自己心裏的天使與魔鬼，不停想動搖你所相信的。新一年，別被孖一打倒，當你認為對的孖二吧。