New Balance H710潮着新色

運動服本應為功能而設，不過，今時今日無人在乎，大部分已成為日常甚或潮流服飾之一，等於唔踢波可以着波衫，唔打籃球都可以着籃球鞋一樣。所以，唔行山一樣可以着行山鞋，總之靚就得。好似New Balance的行山鞋款 H710，來到2013秋冬季度，以全新灰/橙啡配色，等大家可以多個襯衫選擇。今次鞋身採用灰色麖皮襯尼龍質料，並以橙啡色同綠色來點綴鞋面及內裡。另外為保留戶外風格，用上金屬鞋帶扣襯綠色鞋帶。無論想着住行山定行街，只要上網店 Concepts 就買得到，售價$100美元。