早前電影《第一次不是你》上畫，帶挈影壇新人馬志威（Edward）冒起，近期工作忙得不可開交；為了Keep住身形，以最佳狀態示人，Edward在手機內下載了不少運動Apps計住鍛煉情況，果然敬業樂業。

《IMDb》

《Whitagram》

《Nike+ Running》

《Openrice》

馬志威（Edward）

1. 《IMDb》

熱愛電影工作的Edward，自言十分愛看外國電影：「我常用《IMDb》了解國際電影資訊。見到吸引的電影，就想知在香港有否機會睇到，學習其拍攝手法及演員的演繹方式，對提升個人演技有莫大幫助。」

2. 《Whitagram》

Edward平日都會上載近況到微博及《Instagram》，不過就會事先執吓相：「每次影完相我都會加特效。用過好多唔同Apps，始終覺得《Whitagram》的特效及調整大小功能最啱使！」

3. 《Nike+ Running》

做藝人經常都要保持完美體態，Edward亦不例外：「無論拍劇拍到幾夜都好，第二日我都一定會抽時間去跑步，鍛煉體能；此App可以記錄自己跑步的距離、時間等資料，係我最鍾意用嘅運動程式。」

4. 《Openrice》

原來Edward都成日用香港人最常用的搵食App：「我本身好鍾意食嘢，用《Openrice》就可以輕易搵到附近開咗啲咩新餐廳，之後就可以約埋一大班朋友去飯局一聚。」

人物：馬志威（Edward）

手機：iPhone 5

人物簡介

新進男演員，曾擔任多齣MV的男主角，今年憑演出電影《第一次不是你》「王志強」一角而廣為人所熟悉。