有冇試過打開Google Maps搵路，但係搵唔到某些建築物或者店舖呢？Google地圖早前就推出一系列更新，其中最特別就要數「地圖製作工具」，用家只要登入相關網址，跟手就可以於地圖上新增地點、商店、公路、鐵路、建築物甚至公園、湖泊等等，繪畫好建築物外形再輸入地點資訊之後，就可以上載至Google資料庫，經專人核實後，你提供的資料就會正式加入到Google地圖；以後人人都可以幫手豐富及更新地圖內容，好互動！

可以自己畫出建築物的外形，甚有DIY的感覺。（網址：www.google.com/mapmaker）

室內地圖仲會分層數顯示，好清晰。

商戶可安排Google認可的攝影師到店內拍攝室內環境，再上載至Google地圖，以收宣傳之效。

其他更新
地圖內容亦有更新，就連渡輪路線亦會顯示出來。

室內地圖 唔會蕩失路

今次Google地圖仲新增了室內地圖功能，只要於地圖上放大指定建築物，就會顯示其室內平面圖，就以香港機場為例，地圖會清晰顯示不同樓層的商舖，就連自動櫃員機、洗手間、停車場亦有顯示。雖然暫時支援室內地圖的建築物不多，不過Google表示會不斷更新，資料會愈來愈齊。而一系列Google地圖功能即日起已可於電腦版、Android及iOS Apps上使用，有需要可試用！