4G全天候Online Samsung Galaxy NX

時下手機同相機分野愈來愈模糊，而Android系統融入相機亦非新鮮事，其中最突出的Samsung Galaxy Camera支援3G網絡，唔使靠Wi-Fi就上到網，至為方便；估唔到Samsung再下一城，將4G網絡植入全新Galaxy NX無反相機，以後將相片Share到社交網站或者雲端都快人一步，平日悶悶哋仲可以用嚟打機消磨時間。

Samsung Galaxy NX $12,590

機頂設有電子觀景器和Hotshoe，高階配置有齊。

機頂得三個按鍵和一個轉盤，開關好似手機般，按一下進入待機，長按則可關機。

機旁設有USB、HDMI和3.5mm耳筒接口，駁上Handsfree可透過App打電話。

Galaxy NX的鋰電池提供4,360mAh電量，十分襟玩。

咁大個芒淨係用作影相似乎有點浪費，睇埋《on.cc東方互動》都仲得。

由於Galaxy NX按鍵唔多，招牌的i-Function功能就能夠發揮最大效用，調校拍攝參數靠晒佢。

92.1萬像素大芒加上4G網絡，上YouTube睇片又清又流暢，一啲都唔窒。

底部設有sim卡插槽支援3G或4G網絡，而且提供16GB內存，亦可外置microSD卡擴充。

機身內置多種智能拍攝模式，協助初學者影靚相。

Camera Studio中的「相片建議」功能，會顯示用家身處位置附近的拍攝熱點。

4.77吋超大Touch Screen，面積比八達通卡還要大很多，啱晒鍾意大芒的用家。

試相
畢竟搭載了APS-C尺寸感光元件，淺景深效果盡現，而且成像結實並富有立體感，銅像上的水珠亦相當突出。

兼容Android 4.2.2系統

好多相機都內置Wi-Fi功能，傳相的確幾方便，但要四圍搵Wi-Fi，當然唔夠直接Upload咁快捷。全新Galaxy NX唔單止內置Wi-Fi功能，更特別支援3G/4G LTE技術，搭載了Android 4.2.2 Jelly Bean作業系統，讓你能夠隨時隨地高速傳相到facebook、twitter等社交網站，仲可以下載濾鏡Apps為相片加工，甚至乎下載《on.cc東方互動》睇新聞都得，用落同手機無大分別。加上Galaxy NX用上1.6GHz四核心處理器，操作介面固然流暢，睇高清片時亦毫無時滯，而且本身配備16GB內存（可用內存：11.87GB），更可外置microSD記憶卡，有龐大空間可供存相和裝Apps。

4.77吋巨芒觸控

既然Galaxy NX行4G網絡又有得玩Apps，理所當然係用篤芒，其4.77吋超大Super Clear LCD觸控屏幕提供92.1萬像素質素，睇相、睇片、打機都爽過人。Galaxy NX的系統介面是以橫向鋪排，打直會變成直度介面，當然唔少得Home、Back、Setting虛擬鍵，操作時直接用拇指一篤就Click到，由於大部分操作均由篤芒搞掂，故此機身上的實體按鍵一隻手都數得晒，包括開關、快門、拍片、閃光燈，還保留了操作轉盤。取景方面又唔一定要靠晒個大芒，如果現場光線太猛烈，亦可選用電子觀景器取景，不過觀景器僅得48萬像素，肯定冇大芒咁Sharp。

Camera Studio包羅萬有

Galaxy NX既有影相質素，又強調分享功能，但重點依然係拍攝規格，此機擁有2,030萬像素APS-C尺寸的感光元件，提供最高ISO 25,600的超高感光度，就算環境唔夠光一樣影到清晰的靚相。加上Galaxy NX具備全新混合式自動對焦系統（Hybrid Auto Focus System），結合了相位檢測和對比度對焦，雙管齊下保證對焦無誤，配合1/6,000秒的快門速度和每秒8.6張的連拍速度，再快速的主體都能輕易捕捉；而預載Camera Studio有齊晒拍攝所需，包括後製、瀏覽、分享等。此外，Galaxy NX當然支援招牌的i-Function，可透過鏡頭調校參數，甚至兼容3D鏡進行拍攝，駁落3D電視就可以睇得番。