拜仁同多蒙特，同樣被視為德甲嘅奪冠大熱門，筆者個人就偏好後者多啲，事關似足《聖經》大衞挑戰巨人哥利亞般，況且一直擔心多蒙特會被「肢解」嘅危機，到依家都未有發生，極其量只係葛斯轉投拜仁，基本骨幹仍齊腳，況且領隊高普亦都及時補充球員，我就堅信呢支蜜蜂軍團可以將2010-11及2011-12球季擊倒巨人嘅故事歷史重演。

多蒙特2013-14主場球衣 $579

多蒙特2013-14作客球衣 $579

雖然葛斯走咗，不過萊斯（左）及維丹費拿等骨幹球員依然留隊，拜仁想捧走德甲冠軍？冇咁易！

為咗迎接新球季，PUMA已經為多蒙特準備好主客新波衫，前者最特別嘅地方係用咗雙重領位剪裁，外圍係常見嘅V領，領口底部再內藏圓領，出位程度就同多蒙特嘅踢法一樣估你唔到，至於隊徽上繡有兩粒星，彰顯球隊五奪德甲冠軍嘅豐功偉績。功能方面以超高質素嘅聚酯纖維（Polyester）作為物料，發揮極佳嘅濕度調節功能，而且加入自家研發嘅dryCELL技術，令身體保持乾爽。早前廠方仲喺多蒙特Westfalen公園舉行咗別開生面嘅發布會，以80,645盆黃色鮮花（代表多蒙特主場嘅平均入座率），砌出一幅逾千平方呎嘅巨型球衣花海，搶先喺球季開咧前為多蒙特打氣！

查詢：2300 1155（旺角奶路臣街興發體育用品）、2424 2122（尖沙咀彌敦道國際廣場Futol Trend）、2348 3555（銅鑼灣希雲街Elevens Hongkong）