今年書展極之大賣的，依然是馬仔的漫畫；新書叫《我的低能湊B之道3─幼兒班篇》！要知道馬仔之成功，實在有點不可思議，坦白講她的畫功簡單、故事簡單、角色簡單，但一開始就爆紅了！

理性分析的話，馬仔的漫畫必定是刺中香港當今社會的一些元素，但到底是刺中了甚麼呢？我一直都找不出那元素。

其實，當日是我的出版社編輯小輝，於多年前見到她在網上的作品後，便主動邀請她寫書，結果一炮而紅！

某天晚上，我把《幼兒班篇》全部看完了，翌日告訴小輝：「我看完馬仔新書了！」小輝說：「怎樣？沒有共鳴吧！」我說：「起初也以為如此，但又真係幾好笑喎！我都唔明！到底Hit到我啲乜？我又無細路，又不喜歡小朋友！」

之後我向編輯表示，自己甚至幫馬仔構思了一個故事大綱，話說某天馬仔在湊女期間，一個不小心跌倒在地上，然後她便經時空穿梭，回到80年代、自己仍然自由自在的年輕時代。全書就畫80年代的香港風情，必定有趣，當最後回到現實的時候，個女又叫你陪佢玩！

我話：「依家中、英、美都好興回到過去的電視劇，而且好多人鍾意80年代！」等等先，等等先，我做乜鬼呀？自己啲書都未搞掂，仲理人哋啲書！馬仔的漫畫真係不可思議呀！

（明天續）