手機長炮 Galaxy S4 Zoom

機背外形同DC冇分別，並配備了24mm至240mm變焦鏡頭。

炎炎夏日，好多人鍾意去沙灘影相，不過腳踏熱沙，影相時又要行近又要行遠，可謂腳板底嘅一大挑戰！好彩今日我帶咗Samsung新機Galaxy S4 Zoom，表面係手機，但只要一按快門掣，十倍光學變焦鏡頭即時伸出，企定定就可以嚟個遠景Close Up，「智」影得係佢！

機背外形同DC冇分別，並配備了24mm至240mm變焦鏡頭。

跟同系手機一樣，內置了TouchWiZ v4.0介面，最多可自訂七版主頁。$4,298

試相
變焦前
離遠Zoom埋去影Model，相片曝光準確，Model膚色自然，而且仔細到髮絲都睇到。

變焦後

機側有實體快門鍵，長按即進入拍攝模式。

電池容積只有2,300mAh，未必夠一天使用，幸好可以換電。

拆開機底就可換SIM，不過美中不足是只對應3G網絡。

計算埋鏡頭的話，厚度都唔嘢少，放入褲袋不太舒服。

專業模式即P、M、C Mode，用戶可改自行設光定圈和快門，並可把設定預先儲存起來。

《相片建議》是預載App，能根據用戶的GPS位置，推薦附近的影相好去處。內置大量貼紙，女仔必Like！

內置大量貼紙，女仔必Like！

手機相機二合一

Samsung近年創意爆燈，先發明Galaxy Note，令Phablet產品應運而生，最近又把相機元素加入手機，推出全新「Phonemara」概念產品。S4 Zoom內置4.3吋qHD Super AMOLED屏幕，可插入3G SIM卡並行Android 4.2.2系統，裏裏外外都是一部手機，但翻到機背，卻有個十倍光學變焦鏡頭，對應24mm廣角至240mm遠景拍攝，只要扭動前方轉環便能變焦，配合實體快門及右側手柄，外形、操作跟DC完全無異。

Zoom盡仍見清晰

至於功能亦似DC多過手機，例如內置了1/2.33" BSI CMOS影像感應器，支援F3.1至F6.3光圈及Xenon閃光燈，即使天色昏暗也能拍出清晰相片。另外，有見變焦容易手震，它還支援OIS光學防手震技術；現場Zoom盡十倍影Model，不但邊緣銳利未見鬆郁蒙，就連髮絲亦清晰可見，論遠距離拍攝一般手機真係冇得比！其他拍攝「分唇」還包括智能模式及專業模式，前者自動偵測曝光及色溫，簡化操作步驟；後者則讓用戶任意調節光圈快門，滿足拍友需要。

可大執靚女樣

相機變手機，另一好處是後期製作夠簡單直接。S4 Zoom除可如一般Android手機般，直接掟相上fb博Like外，還把Galaxy系列的Story Album及Group Play等功能移植，用戶既可製作有聲短片，也可經Wi-Fi把相片分享到八部手機去。另外，它的編輯功能也相當豐富，剪裁、調色、貼紙等只係大路嘢，最正係提供埋美顏模式，眼、鼻、口、臉都可逐級放大縮小，幾個步驟，呢個世界冇晒醜女！