《Over》手繪圖案
整相Apps層出不窮，唔想齋玩特效、濾鏡咁悶，不妨一試《Over》呢隻App。此App可以畀你喺相片加上文字及Artwork，咪以為齋得文字就會好單調，其實內置超過30款字形，就連勁有特色嘅西洋書法都有；而「Artwork」就係一大堆預設嘅手繪圖案，風格超得意，話咁易就整到幅個人化靚相。
全部字形都非常特別，整出嚟好似Poster 。
手繪Artwork都好過癮，用嚟點綴吓幅相就最啱。
將不同嘅美食分門別類，十分清晰，搵食必Check。
有文字、圖片介紹之餘，仲有埋影片，十足睇緊飲食節目。
暫時提供嘅外遊國家唔算好多，希望快啲有更新啦！
著名景點都會有簡略介紹，而且仲有入場資訊，都好實用。
卡通畫風好得意，場景亦都夠地道。
可以賺錢購買新廚具，煮嘢速度自然快得多。
後期仲可以試玩花式，真係超過癮！
畫面就唔算好靚，不過遊戲嘅速度感都幾強。
有四格位畀你Save，一機就可以儲低幾個人嘅遊戲進度。
改以橫向操作，節奏同舊版《食鬼》一樣咁快。
平台：iOS 6.0 下載費用：$15
《曼谷美食攻略》有相有片
想去個短Trip的話，近近哋嘅泰國曼谷就係好選擇，除咗按摩同Shopping，一街美食都好吸引。呢隻由泰國政府旅遊局推出嘅新App，就幫大家網羅當地一眾美食，仲以「另類美食」、「地道必食」、「潮人蒲食」等仔細分類，兼且有相片、短片介紹，睇完唔單止食指大動，仲即時變身泰菜達人添！
平台：Android 下載費用：免費
《Go Travel》旅遊天書
此App提供澳門、台灣、南韓、新加坡等熱門出門地點嘅旅遊資訊，包括景點指南、GPS路線導航等等。除咗資訊外，《Go Travel》亦內置唔少實用旅行工具，好似12種貨幣嘅匯率及換算機、天氣預測、常用會話、支出記錄以至行李用品清單都有，準備外遊嘅朋友一定要下載。
平台：iOS 5.0 下載費用：免費
《大排檔 Dai Pai Dong》地道炒幾味
此App出自漫畫家馬仔手筆，遊戲入面玩家要做大廚，因應客人點菜而煮出相應嘅菜式，而每樣食物都有指定步驟去烹調，好似炒蟹就要先將蟹斬件後先可以落鑊，仲要炒到蟹身變成閃閃金黃先可以上碟，其中一個步驟錯咗都唔掂；再加上客人好冇耐性，等太耐的話就會取消落單。另外，玩家可以賺錢去購買新菜式以及新廚具，都幾襟玩。
下載費用：免費 平台：Android 2.2
《Aqua Moto Racing》清涼電單車
大熱天時最好梗係去玩水上活動，想玩得激，水上電單車（Jet Ski）就最啱！此App係模擬水上電單車比賽，玩法同操控都好簡單，將手機擰左擰右就可以控制，而玩家要不斷比賽去賺Points幫架Jet Ski升級。難度在於比賽入面要跟住浮波劃定嘅航道嚟行，一旦唔跟航道行就玩完，遇着急彎就特別難玩，要贏都要苦練一番o架！
平台：iOS 4.3 下載費用：免費
《Pac-Man Dash!》變種食鬼
相信唔少大人同細路都玩過《食鬼》，今次廠商就將呢隻經典遊戲來個大改造。雖然遊戲改由橫向操作，不過Pac-Man繼續都係食豆同鬼；依家畫面就變靚咗，連帶Pac-Man都勁埋，識跑、識跳又識衝，而且玩家，仲可以幫佢加道具升級，比原祖《食鬼》更襟玩。
平台：iOS 5.0 下載費用：免費
