《Dwyane Wade Driven》巨星教打波
NBA巨星Dwyane Wade最近造訪神州，輕鬆使出幾吓Eurostep已技驚四座。想好似佢打波咁叻，呢款訓練App或者幫到你。其內容由D.Wade親自提供，通過文字、圖片及視頻，助大家改善投籃、運球、步法及切入等籃球技術。程式更提供健身指南，由D.Wade的私人教練Don Saladino逐步教大家提升肌肉力量，配合訓練日程表，時刻記錄進度，日子有功話唔定下個籃球巨星就係你！
提供控球、投籃等視頻教學，而且沒有忽視了基本功，初學者也照顧到。
每項技巧都有貼士，助大家從細微處改善技術。
有12式動作的圖片示範，保證一睇即明。
特設語音導航，方便聆聽細節。
提供不同設計的封面相框，讓大家同路飛一齊做封面人物！
可改變相片的光暗、線條及顏色，加強漫畫感。
選擇相片的分割比例，分割得愈多，圖案愈逼真。
按指示做完所有動作後，程式便會自動砌出心形，用來傳情就至啱！
玩法有點像《Temple Run》，但Q版角色就更為惹笑。
可跟FB朋友連線比賽，看誰跑得最遠！
玩家只要建設或升級遊樂設施，便能增加遊客及收入。
My Melody等11位Sanrio人物均是樂園職員，玩家更可為他們添置服裝。
系統︰iPhone 5.0以上
下載費用︰HK$28
《Capital Yoga》自學瑜伽
炎炎夏日女士們都想以最佳狀態示人，瑜伽鍛煉是其中一個方法，但香港人工作繁忙，未必抽到時間去健身室練習。此App就讓大家足不出戶也能練習，內裏由加拿大瑜伽名師Jamine Ackert示範瑜伽式子，女士們只要跟着做就能消脂減肥和消除壓力。程式另有語音導航，邊做邊聆聽動作訣竅，學得自然更快！
系統︰iOS 3.2以上
下載費用︰免費
《Jump Camera》榮登雜誌封面
近期唔少拍攝App都愛加入漫畫元素，雖然好玩，但特效離唔開分鏡及情景線，玩得耐都厭。這款《Jump Camera》由日本《少年Jump》推出，除提供以上特效外，還有多個雜誌封面相框任揀，用戶只要把自己攝入鏡後，就能一嘗當封面人物的滋味！程式不時追加《One Piece》等大作素材，遺憾是暫時只限日本App Store「單撈」，想玩就要開Account了！
系統︰iOS 5.0以上
下載費用︰免費
《Heart Booth:Body Symbol》手掌變圖案
人嘅肢體好靈活，只要把不同動作組合起來，就可變成美輪美奐的圖案。這個App原理正是如此，用戶只要舉起手臂或攤開手掌，再與畫面上的白色區域對齊後拍攝，完成12張相片後，程式便會把它們組合起來再排成一個心形，效果神奇！心形以外，還有星星、哈哈笑等圖案選擇，成班Friend一人做一個動作，好玩又有紀念價值！
系統︰Android 2.2以上
下載費用︰免費
《Running with Friends Free》齊來閃避牛
遊戲帶大家到西班牙著名的奔牛節，背後狂牛不斷追趕，唔想被撞Pat Pat就要起勢狂奔，過程中仲要躍起飛過建築物，或者飛剷木箱以獲取獎勵，在節奏輕快的結他伴奏下，玩得分外投入！遊戲除了單人模式，還可透過Facebook邀請朋友一同參與，大家換上忍者、殭屍等裝束，齊齊角逐排行榜榜首！
系統︰iOS 5.0以上
下載費用︰免費
《Hello Kitty嘉年華會》吉蒂貓育成
樂園育成遊戲大家玩得多，但若以Hello Kitty為主題，相信少女們也願意一玩再玩！一如同類遊戲，玩家需助Hello Kitty在樂園興建過山車、摩天輪、旋轉木馬、碰碰車、海盜船或巨型滑梯等設施，之後再透過不斷升級，以吸引更多遊客進場遊玩。遊戲另一特色是Keroppi、My Melody等11位Sanrio人物也會粉墨登場，保證大家邊玩邊叫「卡娃兒」！
系統︰Android 2.2以上、iOS 4.3以上
下載費用︰免費
