做夜鬼唔一定冇益，計我話參加Own The Night燃燒脂肪，好過屈喺屋企追反智電視劇多多聲。

夏日炎炎正好眠？超錯！春日嘅回南天，走咗；冬天凍冰冰，未到，唔趁依家做運動出番身汗，更待何時？怕曬、怕熱、怕中暑？咪搵咁多藉口喇，夜晚唔做得運動咩？今年夏天，Nike就發起「Own The Night」活動，不定期舉行各類型嘅黑夜運動會，當中包括Nike Basketball、Nike Football、Nike Running及Nike Women四大範疇，不分男女老幼，約埋你出嚟齊齊蒸發汗水。想知幾時有得玩，就要密切留意Nike HK嘅各個facebook專頁、nike.com.hk及WeChat嘅Nike HK官方帳號。窩心提示，今晚八點鐘喺寶雲道公園，就會舉行與跑步有關嘅「Nike+ Van」；聽晚同樣時間喺慈雲山中央遊樂場就有「足球不夜場」，跑步或足球發燒友，呢兩晚就咪偷懶，等你！

做夜鬼唔一定冇益，計我話參加Own The Night燃燒脂肪，好過屈喺屋企追反智電視劇多多聲。

早前Own The Night就喺摩士公園街場舉行籃球比賽，張繼聰都到場打埋一份。

登入Step by Step
先打開WeChat內置嘅「掃描QR Code」功能。

用手機掃描Nike HK嘅QR Code。

喺Nike HK官方帳號「關注」，就可接收Own The Night嘅全面資訊。

每晚WeChat提提你

對Own The Night有興趣嘅朋友，我就強烈建議你裝WeChat，事關當中嘅Nike HK官方帳號有齊最新、最詳盡嘅Own The Night Schedule，加上由於大部分活動都喺夜晚八點開始，Nike HK就會於七點鐘透過WeChat進行最後召集，跟得咁貼，你冇理由甩底啫！