迷你兵團四圍走《Despicable Me：Minion Rush》

新上畫的電影《壞蛋獎門人2》，除了主角犀利哥夠出位之外，一班忠心耿耿的迷你兵團一樣咁搶鏡。今次《Despicable Me：Minion Rush》就要玩家扮演惡搞的迷你兵團，在鬧市中與敵人競走，玩法跟其他競走的遊戲相似，玩家同樣要跳躍、飛行、閃避障礙物等，任務有成數百個咁多，仲可以變身成為巨型的迷你兵團摧毀建築物，做咁多嘢都係為了贏得年度最佳迷你兵團的稱號。遊戲勝在可轉換視角，無疑加強了新鮮感，迷你兵團風格和表情又搞笑趣怪，就算唔係粉絲都值得一玩！