姚嘉妮

學前教育是子女展開求學生涯的起步階段，對其成長極為重要，因此父母在選擇學校時，務必深思熟慮，更有必要掌握多啲資訊。由《東方日報》及《太陽報》聯合製作的指南式讀物《2014-2015嬰幼兒教育及幼稚園選校指南》，正好幫到一眾爹哋媽咪，難怪連星級媽咪姚嘉妮及歐陽妙芝都大力讚好。

姚嘉妮

歐陽妙芝

《指南》分5部分，包括「報讀準備」、「面試作戰」、「增強學力」、「全副裝備」以及「全港幼稚園一覽表」，除了找來多位幼兒教育專家講解選校須知、面試秘訣，又邀得藝人、名人作經驗分享，更網羅全港900多間幼稚園、幼兒園或幼兒中心的資料。此外，不少家長都會未雨綢繆，為幼兒報讀各類Playgroup，希望子女能打好基礎，贏在起跑線，書中推介了多項課程，同樣具參考價值。假如家中小人兒將於2014至2015學年入讀K1，就要快啲換購一本喇！

姚嘉妮

「依家小朋友讀書真係乜都要識，我鍾意小朋友讀國際學校，起初都唔知面試程序，都會搵參考資料，後來才知除咗事前要同佢練定英文，如果識埋其他不同語言都會加分。依家有本《指南》，有面試作戰參考，真係好方便，點都要換一本看門口。」

歐陽妙芝

「呢本書包含晒你想知嘅嘢，資料、內容都好充實，印刷亦都好精美。書中提到因才施教，像我的細仔將要升小一，我知佢坐唔定，所以為佢揀咗國際學校。回想為囝囝選幼稚園時好嚴謹，除咗學業成績之外，我會睇埋德育，令小朋友可以均衡發展。」