不用「尿袋」叉電

不知不覺用了iPhone 5都有半年，而最近官方公布即將推出iOS 7新版介面，不用換機就有新介面用，的確不錯。雖不知新介面會否更食電，但對於機不離手的我，未升級前已耗電十足，電量未夠一天就常常歸零！所以日前終於買了一個外置充電器。不過本人對於總要連住條線，十足掛着個尿袋咁邊用邊叉電，實在冇咩好感，所以最終決定買了iWALK的Link 2500i5，直插式Lightning接頭設計，不用帶着充電線也可隨時充電。細細一個有2500mAh容量，餘下3%邊用邊叉都可叉到98%，$368埋單，算幾抵玩！