怪獸大機6.3" Galaxy Mega

Galaxy Mega $4,698<br>支援Multi-Window，屏幕上半部上網，下半部睇片，爽！

Galaxy Mega $4,698
支援Multi-Window，屏幕上半部上網，下半部睇片，爽！

《怪獸大學》裏毛毛神高神大外表嚇壞細路，但勝在有內在美所以最得觀眾歡心。Samsung最新到港Galaxy Mega個6.3吋屏幕一樣「大」到嚇壞人，但幸好佢擁有8mm纖薄身形並支援Multi-Window，手感唔錯之餘仲可以同時Show到兩組畫面，就算好似大眼仔咁得番一隻眼，都可以輕鬆睇多好多嘢！

Galaxy Mega $4,698
支援Multi-Window，屏幕上半部上網，下半部睇片，爽！

外觀激似S4﹙右﹚，但Mega屏幕就大好多，唯一缺點係用標清芒。

大芒有咩好？
玩Instagram時可睇晒短片同下方留言，毋須拉上拉落。

屏幕夠大，可以睇清楚「巴神」點入波。

QWERTY鍵盤間隔充足，唔怕打錯字。

從S4移植了Drama Shot、Sound & Shot等功能，影相唔愁冇嘢玩！

內置S Memo，但冇枝筆，畫圖記事就要用手指。

800萬像素鏡頭配補光燈，配套合理。

電池容積達3,200mAh，比Note II仲要大！

僅厚8mm，配合微彎機背，手感比想像中好。

預載TouchWiZ v4.0介面，最多可自訂七版主頁。

好多人話：「用慣大芒，轉番用細芒好唔習慣！」Samsung就是看中用家這種心態，所以不遺餘力地狂推大芒Phablet。繼Note II後，今次再推Galaxy Mega，外觀、用色猶如S4一樣，只是屏幕由5吋放大至6.3吋，不但小勝同期推出的Huawei Ascend Mate一個馬鼻（即0.2吋），更是目前有售的最大芒4G手機！小記用它來上網觀看足球比賽，老實說1,280×720p芒未算好銳利，但球員起碼一眼認到係邊個，睇波觀感堪稱媲美電視。

玩足一日

外表King Size，估唔到側望卻極苗條，原來厚度只有8mm，拍得住S4，配合微彎機背及199g重量，手感比相像中好；而且6.3吋芒講電話時其實只遮到半邊臉，唔似得同廠超大部嘅Note 8.0般咁誇張！手感解決了，電量是另一問題，為此手機特別裝配了一枚3,200mAh大電池，容積差唔多係一般鋰電嘅一倍，2G通話夠玩一日，閒置備用的話更捱到一個月左右，夠晒襟用。

操作流暢

外表像極S4，但大腦卻不同，Mega用的是1.7GHz雙核心處理器，並內置1.5GB RAM，Benchmark得分雖然不及同門師兄，但撥頁、上網到睇片都相當流暢；這從Multi-Window可體現得到，即使在同一屏幕打開兩個畫面也絲毫唔窒，用戶可邊Jot Notes邊上網，又或畫畫兼睇相；加上屏幕夠闊，兩邊畫面都有3吋大，毋須調節大細也能看得一清二楚，其他細芒機邊有得比！