《City Guides by National Geographic》四大名城行程貼士

平台：iOS 5.0　

費用：免費

《Alpaca pacapacapacapacapacapacapacapaca》飼養草泥馬

個App名咁長都有？無錯呀，其實原本係日文名，筆者就將佢譯做英文。Alpaca係羊駝，亦即係大家慣常所講的「草泥馬」，而這個App的玩法超級簡單，只係需要不斷餵飼食物畀「草泥馬」等佢進化就得，仲有好幾級進化過程添，至於進化後的「草泥馬」會唔會仲可愛啲，就等大家發掘喇。點樣搜尋這個App？可以試吓搜尋開發人員個名「Hayato Saito」。

《Elevatr》記低生意大計

手機用的記事簿Apps都有唔少，大多都設得簡潔又用色鮮明悅目，咁到底呢款新推出的《Elevatr》App有何賣點？佢係專門為商界人士記低各種商業上的點子，App內已分門別類從「The Idea」、「The Market」、「The Product」、「Business Model」同「Execution」五大綱領出發，可以睇清楚全盤生意，然後再慢慢思考點樣搞都得。

平台：iOS 6.0　

費用：免費

《XCOM：Enemy Unknown》完全移植iOS

以前都有唔少由家用平台或PC遊戲移植到iOS平台的例子，不過好多都只是簡化版本，又或者將上世紀八、九十年代遊戲翻出。今次2K Games將去年底先推出的《XCOM：Enemy Unknown》完整搬上iOS版就實屬少有。遊戲玩法是讓玩家控制名為XCOM的秘密軍事組織，透過蒐集資源、發展科技及招募士兵，再派遣小隊到事發現場跟外星人對戰，難得是iOS版本畫面都能做到戰爭迷霧效果，水準都有八、九分家用版本的感覺。

改變最大的是遊戲操控，由原來要用手掣指揮小隊變成點擊方式操作，《XCOM：Enemy Unknown》係一隻回合制策略遊戲，觸控介面其實都幾適合。雖然遊戲定價都唔低，但勝在是通用設計，透過接上iCloud雲端儲存，就能在iPad、iPhone或iPod touch等不同iOS裝置上玩兼讀取儲存進度。要留意係iOS版一推出時並未包括最受歡迎的多人對戰模式，廠方話日後會以免費方式畀玩家更新咁話！

平台：iOS 5.0　

費用：$158

《Beejumbled》拼字蜜蜂

有冇朋友沉迷玩《Scrabble》呢類拼字遊戲？筆者本身都幾鍾意玩，仲可以透過拼字學英文添！新推出的《Beejumbled》就係一個玩法類似的遊戲，不過由場景設計、特色玩法同對戰模式都好有心思。從遊戲名稱已可見這個拼字App會用上蜜蜂作主題，要在蜂巢一樣的字母盤上拼字；除了單打之外，仲可以連線在錦標賽上跟來自全球各地幾百名玩家一齊比試添！

《Beejumbled》比起一般拼字遊戲加入了好多好玩元素，例如可以用上「雙倍文字分數」、「常見字母獎勵」或是「超長字母」獲得各種獎勵；而且遊戲有逾25種不同蜜蜂角色跟背景畀玩家選擇及解鎖，玩法可以相當個人化。另外唔同蜜蜂角色都會影響拼字時的得分獎勵，例如由棒球蜜蜂Homer作主下，凡拼到有關棒球的英文字時會有額外分數；在機械蜜蜂Ro-Bee之下拼到三字母詞語亦有獎。玩家仲可以透過GameCenter同Facebook的離線功能跟朋友挑戰，更有成80種成就等大家解開，真係有排玩！

平台：iOS 5.0、Android 2.2　

費用：免費

《Cubemen 2》立體人仔攻防戰

可能大家都有啲厭倦太像真的遊戲圖像，唔少新款手機遊戲都將角色轉成格仔人現身，正如這款玩立體地圖攻防戰的《Cubemen 2》就直情以全紅同全藍方塊人做主角，連背景都係一個又一個方塊，觀感都幾特別。遊戲除了節奏明快之外，最強係可以支援六位玩家上網玩Team Battle或者合力挑戰電腦，玩落都幾難停得到手。

平台：iOS 5.0　

費用：$15