旅行孖寶 離線地圖加免費Wi-Fi

自問未算係「病態」到冇得上網就嗌死的人，離港時，真係好有需要先會出張上網卡。通常在外地主要上網用電子地圖搵地方，小記就推介一個可下載大量離線地圖的手機App《City Maps 2go》，無論iOS或Android都有。雖然係要畀錢下載，iOS版$15，Android版$24.9，但都唔係貴；而且只要身處地方收到手機訊號，就可以於離線地圖上定位，要搜尋地方都好方便。

旅行孖寶 離線地圖加免費Wi-Fi

提起離港，如果大家去台北的話，就有一個免費方法用到遍布台灣的「iTaiwan」Wi-Fi訊號，只要在台北機場出境大堂的觀光服務櫃台，用護照登記即可使用，實試後雖然無手機上網咁方便，但郵局、政府機構到部分車站都會有「iTaiwan」Wi-Fi訊號，慳番300元台幣上網卡費用，足可去夜市掃兩個圈！