怪獸大學即日招生
一隻藍色大怪物、綠色單眼怪，你聯想到甚麼？無錯，就是自12年前風靡全球的《怪獸公司》孖寶─毛毛及大眼仔。今年兩隻怪獸捲土重來，前傳電影《怪獸大學》下月上畫，未睇戲，兩位主角先殺入主題樂園，回到大學時代，與大家一同體驗「怪獸」校園生活，上學了！
毛毛和大眼仔首度以大學生造型現身，準備好同佢哋合照未？
毛毛及大眼仔
玩完一輪，可憑學生證編號到香港迪士尼樂園網頁列印怪獸大學畢業證書。
在動畫藝術教室，有機會學習繪畫大眼仔的技巧。
於行政大樓拍攝證件照之後，可到小鎮沖印店揀選心水款式，製作專屬學生證。
怪獸大學行政大樓就在美國小鎮大街，一齊回到校園吧！
行政大樓內布置與美國的大學校園十分相似，還以為到訪真U。
「動」奇想智能手機應用程式，於行政大樓內掃描四張不同的海報，便可看到介紹大學生活的短片。
設有毛毛及大眼仔模型的行政大樓，大受「新生」歡迎。
為迎接暑假，香港迪士尼樂園將美國小鎮大街的動畫藝術廊改頭換面，變身成怪獸大學行政大樓，布置似足大學辦公室，毛毛及大眼仔就在此恭候大家，大樓內四處張貼着各個學會的海報及壁報，似足人類U。若下載智能手機應用程式「動」奇想，然後掃描四張海報，更可觀看短片，了解怪獸訓練小貼士及驚嚇技巧！
開學前，當然要先辦理入學手續，拍攝「怪獸」學生照，製作專屬學生證，只需將當日入場門票或會員卡放入照相處的讀卡器，便可拍下最驚嚇學生照，再以$40辦理怪獸大學學生證，正式接受優「獸」訓練。
約會驚嚇天才
想向兩位驚嚇天才毛毛及大眼仔偷偷師，只要在怪獸大學行政大樓外守候，便可跟兩位風頭躉合照留念！至於深受大家歡迎的動畫藝術教室，則會開設最新的大眼仔繪畫班，只要聽住指導員教導，無論你畫功如何，都可以畫到一隻似模似樣的大眼仔，帶埋佢返屋企幫你看門口。
怪獸大學
日期：即日至9月1日
時間：10:00am-8:00pm（學生證拍攝至7:30pm）
地點：香港迪士尼樂園
門票：$450
查詢：183 0830
網址：www.hongkongdisneyland.com
