防水一袋男

我好討厭落雨淋濕個袋，搞到袋入面物件濕晒，傷亡可以好慘重(口架)！因此我近年買袋除咗睇款、睇價錢之外，亦非常留意其防水能力。早前行戶外用品店，發現防水袋大減價，本來賣二、三百蚊的統統舊幾水就有交易。防水袋本意係當內膽咁用，就咁拎出街亦無妨；嘩！呢次冇死喇，以後打風落雨我仲使驚你？好！等我一買就買過50L先！點知，返到屋企一打開，個袋大到呢……個袋喺舖頭捲到靚一靚，所以我冇拆開睇吓尺寸囉。喂！以後落雨你哋有啲咩都畀晒我袋啦，大把位剩呀！