遊戲目的就係要興建一個森林王國。

大製作電影配合遊戲係現時的荷里活方程式，隨住手機遊戲流行，反而比家用平台更收宣傳之效。今個星期就有即將於暑假上映嘅《Epic》（綠國奇兵）手機遊戲上場，當然iOS同Android都有出啦！《Epic》動畫電影製作班底都幾強，由《Ice Age》（冰河世紀）同《Rio》（奇鸚嘉年華）嘅製作團隊共同拍攝，講維護自然世界嘅善良一方，同破壞森林嘅邪惡陣營戰鬥，牌面都幾《阿凡達》！

遊戲目的就係要興建一個森林王國。

《Epic》加插唔少迷你遊戲任務，等大家發掘特別獎勵以壯大實力。

可針對性地訓練各種部隊參戰；而戰鬥系統又幾有RPG遊戲風格。

連上Facebook搵幫手

手機版遊戲《Epic》並唔係搬字過紙將電影內容移植，而係用上經營模式方法進行，玩家要管理發展自己嘅森林王國，並盡可能擴大版圖；再訓練出各種不同部隊來攻打敵人同保衞家園。遊戲能夠單人進行，以擊倒Boggan嘅首領Mandrake為最終目標；另亦能連線上網同世界其他森林王國綠國奇兵一較高下。遊戲仲加插唔少迷你遊戲等大家拎多啲獎勵，亦能夠連上Facebook叫朋友幫手加快興建王國添，元素相當豐富，小心一玩上癮。

支援平台：iOS/Android

下載費用：免費