每完成一局後都會有錢賺，可用來買道具；貪方便嘅玩家，亦可以用真金白銀買遊戲代幣。

相信有番咁上下機齡嘅朋友肯定玩過《Tetris》（俄羅斯方塊），如果玩得叻的話真係玩成粒鐘都未Game Over，似乎唔太適合現時一切快來快去嘅手機遊戲；新推出嘅《Tetris Blitz》就循呢個方向開發，每局只限時兩分鐘，喺兩分鐘內鬥高分，規則好簡單！

每完成一局後都會有錢賺，可用來買道具；貪方便嘅玩家，亦可以用真金白銀買遊戲代幣。

進入「Frenzy Mode」時，畫面會轉成紫色，只需不斷清除到行數就能延續。

全新簡易「One-Touch」玩法可一掂畫面上所顯示嘅空格，將方塊落下到指定位置。

One-Touch玩法簡單直接

《Tetris》點樣玩，應該唔使再多作介紹，但為咗令遊戲更易上手，《Tetris Blitz》就稍為改咗少少玩法，每個方塊出現時，可以用上「Drag-and-Place」嘅方法將方塊拉到所想嘅位置，又或者再簡單啲，可揀「One-Touch」操控，手機就自動幫你Highlight出幾個可以放下方塊嘅位置，只需要用手指掂一掂想放嘅位置就得，仲唔使自己左右移動同旋轉方塊！玩落會唔會太過簡單？《Tetris Blitz》都加咗Tricky位，好似可以觸發「Frenzy Mode」在限定時間內得到雙倍分數，而只要Keep住清除到行數就更可以延長「Frenzy Mode」時間，鬥攞高分都幾刺激，完全唔係當年鬥磨得耐嘅玩法喇！

支援平台：iOS/Android

下載費用：免費