獨立晶片SH-06E好音色

SH-06E $5,580 <BR>支援Dolby Mobile，除提供5.1聲道，還可獨立調校EQ及低音效果。

SH-06E $5,580
支援Dolby Mobile，除提供5.1聲道，還可獨立調校EQ及低音效果。

搵部靚芒手機好易，但搵部靚聲手機就好難，若要同時兼備以上兩項優點，更係難上加難。來自東洋的最新水貨機DoCoMo SH-06E就難得兩全其美，除1,080p IGZO螢幕外，還追加了獨立音效晶片，聲音處理分外圓渾清晰，聽歌時真係耳油都滴出嚟！

SH-06E $5,580
支援Dolby Mobile，除提供5.1聲道，還可獨立調校EQ及低音效果。

預載最新Android 4.2系統，最多提供12版首頁。

提供英日字典，但由於資料庫是即時「單撈」，所以要上網至用到。

開啟Popup Windows後就能邊上網邊睇片，惟它不能調節位置又冇得放大，未盡完善。

系統對應省電模式，並有正常、節能及緊急三個Mode揀。

具備了Audyssey Dynamic EQ技術，可加強耳機的低音效果。

提供1,310萬像素及LED補光燈，配套上乘。

一體成形機身冇得拆殼，microSIM及microSD要由機頂卡槽插入。

厚9.9mm，講真唔係薄，但在圓渾機身配合下，手感依然不俗。

跟new HTC One（右）比較，SH-06E（左）較明亮，One則飽和度較高，各具賣點。

試相：支援魚眼拍攝，而在F1.9大光圈幫助下，低光下拍攝，雜訊亦不多。

Wolfson音效晶片

手機要靚聲，一係將喇叭改放於機面，一係加入模擬音效優化技術，但近來多了一個方法，就是直接置入音效處理晶片。SH-06E內建的是Wolfson音效晶片，除支援75小時音樂連續播放外，還可令數碼音樂的失真程度盡量減低。小記試聽《曲婉婷︰我的歌聲裡》，就發現人聲處理細膩，中高音都表現不俗，若用埋耳機，在Audyssey Dynamic EQ技術優化下，低音就更見飽滿，手機中少見如此靚聲。

自家研發IGZO

SH-06E由Sharp代工，Sharp出名芒靚，但此機並非用AQUOS技術，取而代之是自家研發多年的新技術IGZO，號稱更光亮、更耐用，而且懂得跟處理器連動，例如在靜止畫面時就通知後者降低頻率，以收省電之效。實測所見，手機的4.8吋屏幕亮度果然好足，在460ppi像素密度下畫面亦好幼細，唯一要彈係顏色不夠鮮，但這亦可表示味精含量低，有辣有唔辣。

開App轉頁流暢

跟最近很多高階智能手機一樣，SH-06E都用上Snapdragon 600作大腦，支援1.7GHz時脈及2GB RAM，整體上轉頁、開App都相當流暢。或許參考韓國手機，它部分功能有似曾相識的感覺，例如可以開啟一個Popup Windows睇片，長按Home掣則可叫出隱藏工作列，然後再開啟字典、Notepad等工具。拍攝方面，鏡頭支援F1.9大光圈拍攝，並有齊移軸、魚眼、全景等影相Mode，拍友們唔愁冇嘢玩！