激抵街場籃球鞋

近年啲籃球鞋愈賣愈貴，幾乎款款都賣過千蚊，買嚟劈街場實在好肉痛！正所謂「早買早享受，遲買平幾舊」，早前喺旺角嘅樓上鞋舖就畀我執到筍貨，相中嘅Nike Lunar HyperGamer竟然以清貨價$349出售，想當年同款鞋標價接近一千蚊，實在平到笑。咪以為平價無好嘢，查實呢款2011年尾嘅貨色，曾經係Nike第一款採用Lunarlon中底嘅籃球鞋，着上腳都幾舒服；而且鞋身仲要用咗行貨都冇返過嘅白綠配色，易襯又夠Fresh。可惜就係呢排Keep住落雨，唔知隻鞋幾時先可以喺街場「開光」呢？