求生必備─電筒加尿袋

紀念品多數都唔等使，轉個頭就會淹沒在層層疊的新聞稿當中，最後葬身垃圾桶。不過最近收到嘅遊戲《The Last of Us》紀念品就真係幾實際，為咗配合遊戲嘅求生主題，當中就有一支幾墜手吓嘅電筒，仲可有三級光度調校，可以學似遊戲內容一樣，半夜三更都夠光照「喪屍」！但今時今日，講求生功能，電筒又點及俗稱「尿袋」的外置電池實際。所以除電筒，仲有2,600mAh電池，夠叉足手機一次有多！你知家陣手機冇電上唔到網、上唔到FB、打唔到電話，仲慘過見到真喪屍呢！