Saucony你識唔識?

呢隻鞋靚嗎？佢係Saucony九十年代旗艦級跑鞋Grid 9000嘅復刻版，早前網上團購由北歐運港。Saucony其實係成立於1898年嘅美國體育用品老字號，我1989年讀中一時，香港啲波鞋舖唔似得家陣咁一池死水，非「剔」即「間」，係有Saucony賣(口架)，後來就銷聲匿迹，偶爾老尖啲潮童舖先返一兩款水貨。講真，呢對Saucony係Made in China，鞋底上色有啲粗糙，的確冇得同美製New Balance比，但勝在目前香港極少人着，冇咩機會撞鞋。不過呢，聽講被一眾潮人吹捧嘅New Balance 996，產地將會由美國轉為深圳河以北，若消息屬實，真係哈哈哈笑三聲喇！