Sol Republic × tokidoki 夢幻音色
Sol Republic耳機最愛玩款，而且Crossover之作不絕，繼服裝品牌Subcrew後，近日又找來Lifestyle品牌tokidoki合作，聯乘炮製兩款融合了卡通圖案的「扭」計耳機，外形夢幻兼音色不俗，潮人必Like！
Sol Republic × tokidoki耳機
tokidoki Tracks HD $1,499
TKDK Tracks HD $1,499
線控備有三個按鍵，用來控制音量、選曲及接聽電話。
FlexTech物料下的頭帶極強韌，點扭都唔爛！
頭帶底部設有軟墊，長戴都依然舒適。
頭帶表面印有卡通插圖，一款少女風、一款暗黑系，男女生都有得揀！
耳罩可拆下整個替換，可換上舊型號耳罩玩Mix & Match！
附送耳機吊飾，tokidoki一款送女仔，TKDK一款則送男仔。
少女暗黑風格
tokidoki自2005年成立後，憑其獨特的Fancy卡通風格，短時間內已成為注目的家品商號，並先後跟Hello Kitty、Karl Lagerfeld等眾多品牌合作，粉絲眾多。今次跟Sol Republic合作，亦特別把其風格注入耳機頭帶上，粉紅色的一款叫「tokidoki Tracks HD」，表面印有少女、貓仔等圖案，在白色線控配襯下，既搶眼又「卡娃兒」；黑色一款則叫「TKDK Tracks HD」，頭帶插圖係暗黑系的卡通，線控亦改為全黑色，感覺神秘又有型，擺明為型男而設。
頭帶扭極唔爛
外表吸引，用料亦唔弱，例如頭帶便採用了FlexTech物料，極之堅韌及具彈性，保證適合任何頭形之餘，用力扭曲亦絲毫冇損，堅！音色方面，試聽《Concert YY》裏的《漩渦》，其V10引擎輸出的低音表現不俗，人聲亦夠出，只略嫌整體未夠實淨，因此聽Pop會較為適合。特別一提，兩款耳機均附有贈品，一是特製收藏袋，方便把耳機攜帶外出；另一樣則是珍藏版「Punkstar Frenzie」耳機吊飾，大玩Punk Look造型，至啱情侶們一人一個掛喺手機！
查詢: 2955 1000
