落雨揸車，除咗怕路滑，視野不清同樣麻煩，若果車頭擋風玻璃積咗油膜，影響跣水度，能見度自然大減；另一方面，沾濕咗嘅鞋底踩入車廂，加埋濕淋淋嘅雨具，唔只會整濕車廂地氈，仲係霉菌孳生嘅源頭，咁講法，唔通每逢雨天就唔揸得車？做人當然唔可以斬腳趾避沙蟲，其實坊間有唔少對症下藥嘅車用法寶，只要用得其法，雨中駕駛都可以冇煩憂。

Glaco玻璃清潔液$155/115ml特長手柄設計，開蓋即用，洗車後搽喺玻璃表面，等5至10分鐘，再用濕布抹拭，就會形成跣水塗膜。

Carmate Xclear 玻璃清潔壓縮噴霧$85/180ml高濃度配方，一唧一噴，3秒之後就會形成一層跣水薄膜，懶人至Buy！

Carmate Xclear 玻璃清潔搽抹套裝$88/90ml加入光觸媒技術，透過「光催化」令雨水分解，效果持續三個月咁長，持久耐用。

Carmate Xclear玻璃清潔噴壺裝$85/120ml唔使等乾，又唔使抹拭，一唧一噴、3分鐘見效，可以令雨點化成水珠，隨玻璃快速滑下，就算車速慢至45至60km/h之間，雨點都可隨風跣走。

Dynotab丸裝車用「綠威寶」$25無味之餘不含磷酸，有效阻擋樹油、鳥糞及塵垢等穢物積聚，令玻璃回復光亮，又唔會傷及塑膠、金屬及油漆表面。一包有兩粒，每次只要放一粒入水撥水箱，待10至15分鐘完全溶解，然後按水撥唧水

Soft99吸水布$80使用0.5微米超極細纖維製成，擁有超強嘅吸水能力，又唔會刮花玻璃，最適合洗車後吸水、抹車身及玻璃之用。

Napolex遮扣$48備有O形及C形設計，前者用嚟掛雨遮手柄，後者就畀成把遮由缺口位扣入，唔用嘅話大可收喺頭枕下方，唔怕阻住地方。

Carmate Dr.DEO$85內含二酸化鹽素，無臭無味，分解車內浮游嘅細菌及惡臭，效果可持續兩、三個月，只需將內附嘅一小包粉末倒入銀色方形盒內，再放回透氣設計嘅紙盒內，擺放於前座底下即可。

Seiwa伸縮雨遮套$110可以掛喺前座後方或側邊，拉開之後，就可由原本嘅13.6cm伸長至65cm，連90cm長嘅雨遮都放得落，而且膠套底部設有扭蓋，以便排出積存嘅雨水。

Enas防滑膠地墊$138減少整濕地氈嘅機會，又有多種尺寸選擇，圖中屬於450×1,300mm嘅特長款式，一塊過橫跨兩個座位，最適合後座使用。

Carmate 2Way雨遮套$48以防水加工處理嘅軟膠製成，由於長短可變，故此長柄遮或縮骨遮都適用，最重要係容量大，雖然包裝標示只放兩把遮，不過經小記實測後，證實放三把長柄遮都冇難度。

大銀幕特效清潔劑

就算換咗水撥，平時又勤於洗刷，不過一旦大雨照頭淋，車頭擋風玻璃總係難免被雨水搞到模糊不清，原因係玻璃表面有油膜累事，好彩巿面上有多種除油膜產品，以及回復清晰嘅車用玻璃清潔劑，趁好天及早用，遇到失魂雨都唔使慌。

車廂防濕道具

搞掂車頭玻璃，就要Take Care車廂，唔想畀濕淋淋嘅雨具整濕，大可使用有防水設計嘅雨遮套，掛喺前座椅背甚至兩側，總好過隨手放喺地氈上，減少「水淹」煩惱之餘又企理就手，配合埋防滑膠地墊，防濕效果就更全面。

查詢：2392 4244（台日）