Zerone×30mething支持本地創作

講到本地最搶手潮人，我偶像林海峰（阿Jan）絕對列入三甲，兩大運動巨頭品牌輪流同佢合作，更同多個本地品牌Crossover推出服飾。最近阿Jan仲殺埋入鐘錶界同本地鐘錶品牌Zerone合作推出Zerone×30mething DOT DOT DOT手錶。呢隻錶以30mething的「…」3點標誌做靈感，在手錶上飾以七彩繽紛發光圓珠，圓珠更用作顯示當下小時（btw唔好誤會佢隻錶係參考《Candy Crush》，因為此錶早於上年9月香港鐘錶展已經率先曝光）。手錶有黑白灰三個顏色，售價$1,280，依家喺灣仔TDC 香港˙設計廊有得賣。