親子掛飾 點滴心意

小朋友今年打算送甚麼母親節禮物答謝媽媽的辛勞呢？計我話，作為精靈的小豆丁，最好是動手製作靚靚飾品，作品又靚又啱媽媽心意，而且親子一起完成就更有意義！滴滴膠掛飾絕對是最稱心之選，每一滴都盡顯你對媽媽的心意！

要做個又靚又獨特的滴滴膠掛飾，準備豐富的材料拼貼是秘訣之一，月亮熊創意間導師Molly解釋：「基本上任何防水物料如膠紙、貼紙、閃石、閃粉等都可大派用場，對小朋友來說，膠紙最容易控制，家長可以考慮用相片作吊墜，發揮創意盡情拼貼，層次愈多，美觀程度愈高！」用親子合照作為掛飾，完成後可穿銀鏈或電話繩隨身攜帶，讓媽媽每天掛着小寶貝，必定窩心又感動！

慎防心急易起泡

小掛飾造型精緻，既可以訓練孩子耐性和細心，又能培養美感和顏色配搭的技巧，而整個掛飾最特別之處，是凸起的半圓形膠面，Molly指出滴膠是關鍵所在，必須要心神手定：「我們會用環氧樹脂膠A和B以3:1混合，這種樹脂膠風乾後會變硬，能保存掛飾上的圖案。倒樹脂膠時切忌心急，一定要用小湯匙，慢慢倒入才會不起泡，造出完美的膠面效果。」因此，所有拼貼材料必須事先貼實，除了避免走位外，更防止膠面流入空氣而起泡。滴膠需約一天自然風乾變硬，但亦可以用有熱無風的暖風機加速變硬。

「母親節親子手作班」

日期及時間：5月5日 4:00pm-5:00pm、5月12日 11:30am-12:30pm

價錢：$200/共4件

地點：月亮熊創意間（西營盤第二街88號地下）

查詢：2116 0053