驛馬星動

多得ck Calvin Klein手錶及Omega手錶兩大品牌的邀請，上個月有機會去Miami同Vienna這兩個從未踏足的地方公幹。原本對Miami冇乜期望，諗住只係典型陽光與海灘度假勝地，但除陽光與海灘外，卻留下難忘經歷，我最欣賞就係喺South Beach嘅Art Deco建築，當地政府一直致力保持同保護這二、三十年特色設計，懷舊Art Deco建築群更髹上白色同粉色，感覺舒服柔和，呢樣係其他城市都好少見得到，好有Character！

鏡頭一轉，不足一星期又去到奧地利Vienna，典型歐洲城市格局，適逢歐洲近期受寒冷天氣侵襲，氣溫極低到得攝氏零下3度兼落大雪，令原本係春天嘅歐洲變成寒冬，雖然冷到震確實有另一番風味，但另一「驚」歷係大家或會以為Vienna呢個城市應該幾安全同平靜，點知我臨走前在大街畀班女扒手暗中圍摷，打開我手袋拉鏈，自己差點「中招」失財物，好在及時發現，所以提提大家下次去Vienna或出外都係小心為上。

Sanna Senior Reporter

當佛祖遇上耶穌

作為典型80後，家中過半的書籍都係公仔書，《叮噹》、《幽遊白書》更加係絕版珍藏，雖然人大了但仍會繼續追看不少未完的連載。

近來令我非常着迷的必數中村光這本《聖哥傳》，故事講述佛祖和耶穌二人，在經歷世紀末後，來到東京度假一起生活的故事，主角們的對話不少是來自宗教典故，其他人物亦來自宗教故事，不過由於二人自古代來到現代社會，當中鬧出不少笑話，例如：佛祖個性節儉，所以對平價廣告特別感興趣，而耶穌由於不擅於運動，所以最愛上網玩電腦成為「宅男」。儘管劇情帶點天馬行空，但絲毫不見突兀，絕對是周末減壓的好讀物。

Yilam Reporter

想去New York見Bobbi Brown？

如果你肯花三分鐘睇我呢段Sharing，隨時有機會去New York，拜見化妝大師Bobbi Brown真身添! 點解？因為3月份Bobbi Brown舉行咗個互動遊戲，只要登入佢哋嘅Facebook專頁，創造你自己嘅美麗日誌就有機會孖住好友柴娃娃參加紐約 Pretty Powerful 之旅，呢個活動一共分三個回合，由依家至5月3日，一連8星期，每星期會選出一篇美麗日誌，得獎者除可以獲得禮品外，更可以過關進入次回合，評審會將8星期的入圍者，挑選一位代表同其他亞太區國家入圍者競逐最終回合，到時Bobbi會親自從12個亞太區國家代表選出一篇美麗日誌勝出者，到時，就可以飛去紐約拜見Bobbi啦！

Kiki Reporter

現場感受Formula One

近日小記獲腕錶品牌IWC邀請到馬來西亞觀賞Formula One賽事，因為第一次到海外公幹，當然既興奮又緊張！由於對腕錶的認識不深，所以事前要挑燈夜讀所有資料，希望可以做足準備，雖然整個行程相當緊密（早上7點起床到凌晨12點才回到酒店），但確實令我大開眼界，最興奮莫過於可以在現場感受Formula One賽車的魅力，又可以到Pit Lane和Garage觀賞整個準備過程，這些都是非一般觀眾可以接觸得到，而看着工作人員緊張地換胎Check數據時，更讓我感受到0.01秒的重要，和小記趕稿趕死線一樣爭分奪秒呢！

Alex Reporter