雲上旅程：塞浦路斯不思議事件

當塞浦路斯經濟大瓦解之際、天天新聞報道已一個多月之時，還是忍不住要寫寫，因為太多不盡不實的地方。

新聞報道中的塞浦路斯，從鏡頭到字眼，一直在有意無意的誤導觀眾，講到成個國家無穿無爛咁，其實它已南北分裂了幾十年，有點像南北韓般！

兩年多前，我從北塞玩到南塞，兩個完全不同的國度，北面是土耳其半控制區，南面說是獨立個體，也存在誤導，因為暗地裏，它是希臘的「殖民地」、「附庸國」！明明南塞周街是希臘國旗，但新聞畫面卻巧妙地避開晒！有趣！

更有趣是，自小讀書都清清楚楚話塞浦路斯是個亞洲國家，點解依家會變成係歐洲國家、仲用歐元呢？簡直是不思議事件！

不過，錯又錯唔晒，因為北面還屬於亞洲。北塞其實都係怪胎，表面上又是個「獨立國家」，但歐盟是不承認的，而實際它是由土耳其「管治」，但又扮到唔係般，不過也騙不到人，事關到處是土耳其國旗！在歐盟眼中，塞浦路斯是被土耳其入侵的！

好了，家吓南塞經濟崩潰了，卻被歐盟出賣、玩謝，而北塞就冷眼旁觀，只因她背後有經濟狀況良好之土耳其撐腰，所以可暗笑南塞！不如南塞考慮吓退出歐洲、重回亞洲懷抱，並叫中國打救啦！又或來個大統一，一齊用土耳其幣，開心死隔籬！