夏日至Sharp

一向喜歡戴G字牌膠錶，貪其大大隻，唔會戴到我成個小女人咁，家中已擁有4、5隻，戴足十幾年都不離不棄。但近來本地品牌odm嘅新錶令我有少少鍾意咗佢，事關佢配合夏天繽紛感，推出咗我最喜歡嘅Sharp色，價錢只係$495，心心眼即時彈出！呢隻PLAY系列手錶，無論淨色同撞色都咁靚，而且更用上我鍾情嘅膠質設計，條錶帶可以隨意更換，隨我心意及衣服顏色轉換，呢個夏天真係橫行無忌，想點襯就點襯！

Sammie H Reporter

綠色展覽學節能

「地球一小時2013」今年共有152個國家或地區參與，帶出環境保育的重要性。不過，全球暖化問題日趨嚴重，絕非「一小時」就能解決，絕對應該透過教育，向下一代推廣環保意識。最近，中電推出「綠適動生活」展覽，現場不但展示多款節能新產品，還有多款新穎有趣的多媒體互動遊戲，更有機會成為「節能皇者」，贏取「節能小法寶」拎返屋企。重要的是，小朋友可從遊戲學識如何節能，相信各位家長，應該知道下次帶班豆丁去邊度玩啦！

中電「綠適天地」

地點：旺角西洋菜街188號

導賞團︰逢星期六或日（2:30pm-4:00pm）（須預約登記）

費用︰免費

網站：www.clponline.com.hk/ecoevent

Carol Reporter

把拿破崙的家帶過來

早前出席「法國五月」的記招，大會率先披露澳門藝術博物館將於4月18日至7月14日呈獻「拿破崙宮廷藝術展」！今次將會有125件拿破崙王宮珍品曝光，包括家具、掛氈、枝狀吊燈等，還有首次公開的法國國會皇帝寶座，每件家具的細緻雕刻猶如藝術品一樣，單看小冊子上展品圖片，已感到富麗堂皇的氣派！歷史書上的物件活生生跳到眼前，令我非常期待這場金光閃閃的視覺盛宴。

Mary K Reporter

暴龍出動

對於飾物，我最愛耳環，而買耳環，我是尤好誇張的類型，有天在網上見到一款小暴龍耳環，可愛到爆，又愛暴龍又愛耳環的我，怎能放過？但又不知如何到手，只能暗中羨慕，怎料前幾天朋友聚會，朋友竟然知我心意，送我一隻作禮物，把我樂透了，特此為記！

Ivy Reporter

紙杯作樂

只要能發出聲音嘅東西，都可以變成奇妙嘅樂器。唔信？睇睇清新創作組合Robynn & Kendy最新搞作吧！今次佢哋竟然用紙杯做樂器，有節奏地拍打枱面，期間再夾雜手掌拍枱，清唱《一顆星的故事》。其實呢條片仲係招募大家參與Project STAR。原來代表Silly Things Around the house，夠搞笑嘛！大家可以用最搞笑、最有創意嘅方法演繹呢首作品，最後更會選出大獎得主呢！截止日期4月12日，大家咪埋沒創意喇！

網址：www.youtube.com/watch?v=qknzPscLe9g

WL Reporter