邊睇馬術邊歎美食

因工作關係有幸觀摩過奧運馬術比賽及澳洲頂級Melbourne Cup賽馬大賽。早前「Longines Hong Kong Masters浪琴表香港馬術大師賽」亦有幸參與，這個在香港首次舉行的馬術界盛事是2013年「馬術大師賽室內大滿貫賽事」的首站，是自2008年奧運後亞洲首個唯一一項榮獲CSI5*（五星級）資格的室內馬術障礙賽事。

賽事於亞洲國際博覽館舉行，之前好難想像到室內點舉行馬術比賽，但去到見到場館布置同裝飾都非常靚，並設有贊助品牌如Gucci同Longines等攤位，兼可以近距離欣賞馬匹熱身情況。最勁就係觀眾席設有 VIP區可以一邊歎米芝蓮二星級美食一邊睇比賽。我對賽馬同馬術運動毫無認識，但今次賽事非常容易理解兼緊張刺激，難得香港可以舉行頂級賽事，大家下年唔好錯過入場見識下。

Sanna Senior Reporter

Vivienne Westwood又開倉啦

朋友A話今年逗嘅利是錢唔多，所以呢個月買嘢無咁手鬆。其實Shopping嘅精髓在於精打細算，貴得嚟要值，平得嚟要抵。所以我就單聲佢知Vivienne Westwood下個星期二（12號）開始一連三日，喺九龍灣開倉，叫佢放心掃貨，雖然係過季貨品，但男、女裝同手袋鞋履齊備，最重要係最少都有三折，最平一折，冇咩理由唔心動？若然讀者們都有興趣的話，可以打去2262 9334了解吓。

Amy Editor

好玩好睇記者會

過完農曆新年，不論時裝定美容品牌一窩蜂推新品搞Event。早排先後去過Kiehl's同agnès b.的活動，兩者的Presentation同樣別開生面。

Kiehl's搵咗一班話劇演員，做咗齣短劇講BB Cream嘅由來同介紹品牌最新嗰支BB Cream，而同場仲安排記者可以自製曲奇─用糖霜畫圖案，而我就揀咗星星曲奇畫花畀我個池b Jayden，希望Lucky Star永遠眷顧佢！

另外今次agnès b.冇搞Fashion Show，只係搵咗啲Models好Casual咁企喺Showroom度畀記者任影；不過最有睇頭係請咗個靚女豎琴手，着住agnès b.今季既服飾作現場表演，人生有幾何可以欣賞到呢類咁養眼又動聽嘅演奏呢！

Ki Ki Reporter

吃進肚的膠原

作為小小的美容記者，明白到骨膠原乃保持肌膚活力、彈性的美容聖品，但意想不到連保健品牌白蘭氏都參一腳，在日本和台灣推出食得落肚嘅《紅膠原青春凍》。而所謂的紅膠原是指萃取紅藻中珍貴的蝦紅素，它的自我修復功效據說比維他命C強6,000倍!

小記有幸得台灣親友幫助搜購，小小一盒十條，味道帶酸甜，加上果凍滑嘟嘟的口感，又幾好味，想要見效最好食足一至三個月，起碼六盒先夠，單係一盒都已經要成200幾港幣，計起上來都唔算平，小記暫時只吃了兩星期，效果就未見到，純粹當飯後甜品都係不錯的（奢侈）選擇。

Yilam Reporter