雲上旅程：喪得比你好

入場前，對電影《熱血喪男》有絕對的偏見，以為是無聊的愛情故事，喪屍愛上正常人，必是老老套套的。咁你又睇？喪屍片嘛，若講喪屍教煮飯，我都睇o架！

沒想到它並非一般愛情片，而且好好睇，幽默得不得了。一開場我已笑了出來，因為個喪屍造型好似填詞人林若寧！有時喪屍個動靜都有啲似佢！而個喪屍其實比正常人還有智慧，例如他不會對住手機而是跟同類傾談；他不聽iPod而是聽黑膠碟，因為音質好好多；他還會感到喪生無聊，但一般人有反思過人生嗎？

沒想到電影不單講愛情，還表述了末日的城市狀況、生活情形等等，也帶點科幻感覺。更想不到是，會有幾場頗刺激的劇情，追逐打鬥的場面也拍得頗認真。

當然，對於喪屍片，就千萬不要用邏輯去分析，例如喪屍有思想嗎？喪屍會愛人嗎？喪屍能改變嗎？喪屍能變回人類嗎？喪屍能睡覺嗎？喪屍能發夢嗎？戲中描述喪屍男主角可以發夢，而且不止一次。

這就是問題所在，我可以用另一角度理解這電影嗎？就是喪屍一開始發夢，就根本無醒過，一切都在夢境中！喪屍邊會咁好呀？人類邊會咁好呀？都係電影故事好，而且好Warm呀！它確是套暖身電影！