夾啱色數揀車迎好運
新年新景象，刺激唔少車主嘅換車意欲，尤其是好多車行都趁新正頭大送優惠，令人更加心郁郁。除咗考慮性能、售價及個人實際需要外，出車時不妨留意埋車身顏色及車牌號碼組合，據玄學家龍震天師傅所言，以上兩者若然夾得啱，對提升流年運程原來大有幫助！
顏色篇 黑藍灰保平安
以五行嚟講，龍師傅話今年係癸巳蛇年，癸屬水，巳屬火，五行之中水剋火，正係「水火不相容」，流年嘅吉利顏色有啡、黃、金、銀及白，不過對駕駛一族而言，最緊要都係出入平安，原來黑、藍、灰先係最適合各位車主嘅大路顏色。窩心提示：屬蛇嘅朋友今年犯太歲，情緒上較易波動，各位屬蛇車主今年揸車要奉行「忍」字訣，凡事勿衝動。
車廂篇 風水擺設
除咗車身顏色及車牌組合，車主想催旺財運及增加行車安全，原來仲可以喺車廂花工夫。龍師傳指出，求財運可以放招財貓；想出入平安就可放瑪瑙化煞，甚至按照生肖放置唔同嘅生肖玉吊飾。最後提提你，車廂擺設要適可而止，切忌過多，否則影響視野，到時適得其反就麻煩了！
生肖吊飾配對
蛇：玉猴
馬：玉羊
羊：玉馬
猴：玉蛇
雞：玉龍
狗：玉兔
豬：玉虎
鼠：玉牛
牛：玉鼠
虎：玉豬
兔：玉狗
龍：玉雞
車牌篇 英文字母都要計
政府推出自訂車牌計劃一段日子，隨街都可以見到唔少創意組合，不過從玄學角度睇，若果想「趨吉避凶」，其實有法可依，唔好亂組合！據龍師傅所講，除咗數字，就連英文字母，都有對應唔同生肖嘅至佳組合，他表示：「無論由0至9，又或者A至Z，喺玄學上都有數得計，今年嘅大利數字就有4、5、9及0，至於同樣有助提升運氣嘅英文字母，就包括A、C、G、H、I、K、N、O、Q、U、X及Y。」生肖、顏色、數字、字母，咁多樣夾埋一齊，好似好難計喎！唔使愁，師傅已經幫手整好對照表，對住嚟組合So Easy！
今次示範嘅Land Rover Discovery 4，正正係流年有利嘅灰色；據龍師傅所講，不論任何生肖嘅駕駛者，拍住黑、藍、灰嘅顏色座駕，都有平安之效。
蛇年想催旺財運，除咗擺傳統嘅招財貓公仔，亦可選擇同樣造型嘅紙巾盒，吉利又實用。
瑪瑙有化煞作用，想出入平安嘅話，大可揀細細塊放喺車內。
玉牛
玉兔
玉豬
玉雞
據龍師傅所講，唔只車牌，汽車品牌當中，幸運字母愈多，對車主運程愈有幫助，Land Rover就有A、N及O三個大利字母。
Discovery 4包含C、I、O及4等流年有利嘅字母及數字，會否增加你嘅出車意欲呢？
運輸署每年1、5、9月都接受自訂車牌申請，但車牌內容有所限制，詳情可到www.td.gov.hk瀏覽，留意本月24日仲會舉行農曆新年車輛號碼登記拍賣會。
4、5、9及0都係今年嘅大利數字，揀車牌時不妨多用。
蛇
羊
雞
豬
牛
兔
