雲上旅程：失望景點

世界上有些景點，未去前心思思有首詩，到達現場後就真係想打爆你等收屍！

早前某荷蘭旅遊網站，訪問了一千三百名旅客，選出歐洲十處最令遊客失望的景點。被選為榜首的，是比利時的撒尿小童！我非常非常非常認同，還記得18歲那年，第一次到歐洲，第一次到達比利時首都布魯塞爾，導遊在到達後第一刻就說：「第一時間帶你哋睇咗個撒尿小童先！」跟導遊在小街左轉右轉到了一街角。相信在場的所有香港人也被「嚇呆」！包括我在內，各人也無法出聲，因為這著名名勝，非常細小及無美感！真係好不知所謂！

其他被選的包括巴黎鐵塔、法國羅浮宮、丹麥哥本哈根美人魚、英國石柱群、意大利比薩斜塔、比德荷三國交界點、倫敦比卡迪利廣場、柏林查理檢查站及英國杜莎夫人蠟像館。當中有幾樣不太贊成，我覺得羅浮宮非常值得去，古物珍品多得如此，一天也看不完。

也有指排隊看蒙娜麗莎時間太長，但總比排隊在迪士尼玩機動遊戲值吧！比薩斜塔及其附近一帶的教堂、博物館又真係好靚噃，點解失望？不太明白。而英國石柱群，我未去過更加恨去，對於喜愛古文明的人，必不失望。至於丹麥美人魚就一半半啦！當年由市中心出發，又坐電車、又走餐死，到海邊看到它……唔，小姐，你就係美人魚呀！完！最適合麥兜一家去睇。