爆趣老花鏡

家中兩老都有老花，然而媽咪經常將老花鏡與近視鏡混淆來戴，全因款式太相似之故。最近行經尖沙咀，發現了這副法國設計的See Concept直立式的老花鏡，當地會放於銀行、餐廳等需要讀寫的地方供人免費使用，窩心的設計廣受用家歡迎，更獲獎無數。如此獨特外形，還有多色選擇，包保媽咪唔會再搞錯啦！

Lum Reporter

觸動少女神經

「我們的青春是《祖與占》！」Shine的跨年演唱會，令小記的2012在青春和Hyper中度過！天佑、又南首踏紅館開個唱，二子做足準備工夫，唱功和肌肉亦大有增長（尤其欣賞天佑歌唱技巧的進步，有運丹田氣！）。雖已快近三十，但二子的感覺仍然清新，重唱屬於我們一代的熱血歌味道不變，全場氣氛由頭High到尾。二人互爆對方過去之餘，同時分享了自身一些苦澀經歷，又南失戀、天佑的父親離世，快樂和失落一線之差，歌聲和螢光燈之中，再次感受到年輕猶如迷幻彩虹，青春卻朦朧。感謝Shine陪伴了我們成長10年。

Karen K Reporter

50's西餐廳舞照跳

一直好懷念細個食西餐時有得去舞池跳舞，一家人唔識跳都出去un吓un吓，真係好過癮！但自從近十年的飲食文化改變下，可以邊跳邊食的餐廳真係買少見少！不過經小妹細心查探下，中環擺花街有間叫「五十年代餐廳」依然有得舞照跳，每晚現場樂隊演奏懷舊金曲，由《玫瑰玫瑰我愛你》跳到《Monica》，成班朋友一齊出去亂跳，我敢說好玩過Clubbing！而且餐廳的食物水準實是意料之外，（黑松露雜菌意大利飯好好食:D）， 睇嚟中環又多個Gathering的選擇喇！

Mary K Reporter

一直好懷念細個食西餐時有得去舞池跳舞，一家人唔識跳都出去un吓un吓，真係好過癮！但自從近十年的飲食文化改變下，可以邊跳邊食的餐廳真係買少見少！不過經小妹細心查探下，中環擺花街有間叫「五十年代餐廳」依然有得舞照跳，每晚現場樂隊演奏懷舊金曲，由《玫瑰玫瑰我愛你》跳到《Monica》，成班朋友一齊出去亂跳，我敢說好玩過Clubbing！而且餐廳的食物水準實是意料之外，（黑松露雜菌意大利飯好好食:D）， 睇嚟中環又多個Gathering的選擇喇！

軟綿綿Bunny

由細到大都不是愛玩公仔的人，但喜歡的卡通人物都不少，新幹線、鬆弛熊、The Runabouts車仔、Thunder Bunny等等都是本人至愛。雖然這些卡通公仔深得我心，但我一直只停留於買文具精品的範疇，更加不會做瞓覺時攬公仔呢啲咁女仔嘅行徑啦！直至早前見到Thunder Bunny公仔，呢隻白雪雪的兔仔，一拎上手軟綿綿，而且樣子十分可愛，價錢亦比想像中便宜得多，只需$148就能擁有，所以我終於破戒，首次畀錢買咗佢返屋企，依家佢晚晚陪住我瞓覺，凍冰冰的晚上讓我取暖。（P.S.不過有時都會有命案發生，哈哈，一覺醒來，發現可愛兔子已從上格床墮地，好可憐喲！）

查詢：2728 0206

Sammie H Reporter

熱賣加菲

不要再說喜歡加菲貓好Out喇！繼小克跟Jim Davis合作，創作聾貓合體之後，現在潮牌odm都推出加菲貓聯乘系列，其中小編最喜歡的是DD99B系列橙色一款，錶帶上印有加菲的大眼睛及尾巴，大錶面就好像加菲的大肚腩般，零舍可愛！特別之處是收錄了加菲的招牌語錄，搖動腕錶時，語句便會出現於螢幕之上。另一個DD100A系列，則以特別技術將顏色注入半透明的矽膠錶帶，令顏色更見鮮艷，其中一款錶面還印有加菲貓嬲爆爆的樣子，勁似歐陽震華！一共四款，作為粉絲的我，當然全部都要晒！

查詢：3101 0610

Yuk Editor