雲上旅程：末日錦囊‧上

我第一次個人實驗式Talk Show《末日萬歲救未來》在上星期五、六、日舉行了。出版社好有心思，買了一大堆中式錦囊派給每位到場者，裏面有一粒糖，並加一句末日前「應」做的事，當然係玩嘢啦！

我寫了四十條，出版社同事也寫了四十條；把我寫的在此分享一下：「捉走雲海，強迫他一星期內趕起所有期票書本。」「到電台狂爆粗口，因為之後廣管局告唔到啦！」「末日前一晚到麥記Order一千個巨無霸！大家都無得放工！」「到CY山頂大宅，拆清全屋！」「捉走所有高官，製成一條巨大人形蜈蚣！」「入亞視狂播AV片，眾所X知！」「叫明光社進行彩虹行動，因為洪水後出彩虹！」

「末日時也不准迪士尼人物除戲服！」「到大陸買十噸煙花狂放。」「用上一期六合彩頭獎號碼買張新彩票作弄朋友：『明天末日，你中得太遲！』」（改古巨基歌：《中得太遲》）「八達通積分仲唔用，幾時用呀！」「打清所有政府部門電話，盡情投訴。」「紋一條大蛇在大肚腩。」「橫棟都死，決定步行穿過海底隧道。」「要特登走音大聲唱卡拉OK！」「將所有CD當『飛碟』般玩！」「到婚禮死都唔畀人情，新人都唔會知啦！」「到葬禮死都唔畀帛金，死人一向都唔會知啦！」「用全副身家買具棺材，這根本是『一個人的方舟』！」

（明天續）