粥麵新店靠海鮮升呢
提起粥麵店，總想起殘殘舊舊的老字號。最近上海么鳳進軍飲食界，於品牌在銅鑼灣的涼果店旁開設走高檔路線的「一碗」，並以新鮮食材煮粥作主打。靚料包括每日在街市選購回來的海蝦、膏蟹、牛坑腩等，其中雲吞以人手鮮剝海蝦，包成一口大小，鮮味提升，分量剛好。至於名貴的一口粥系列，以瑤柱配上不同的海鮮，如鮑魚、海螺、花膠和帶子等，軟綿粥底加埋鮮味十足的食材，令平凡粥品即時升呢。
Shop Info
一碗
地址：銅鑼灣謝斐道500號地下
電話：2893 4663
淨本地新鮮牛坑腩 $68
用新鮮牛腩加香葉、紅棗、杞子和薑燜2至3小時，肉質腍不特止，湯汁仲夠晒鮮甜。
瑤柱蟹黃粥 $68
在街市購買的揀手膏蟹，配上用東北大米和泰國香米、腐皮和皮蛋所熬的粥底，綿滑鮮美。
海蝦雲吞麵 $42
每日以人手鮮剝新鮮海蝦，之後即包成一口大小雲吞，入口粒粒鮮味滿瀉。
瑤柱滑雞鮑魚粥 $118
原隻鮑魚先用生粉和粗鹽洗淨，之後連同醃好的鮮雞、冬菇、薑、芹同煮，料靚粥綿，矜貴之選。
店子設計以白色為主調，感覺簡約舒服。