《Jetpack Joyride》好玩遊戲登陸Android

在iOS平台上獲一致好評的橫向遊戲《Jetpack Joyride》終於登陸Android平台，呢隻Game類似《是男人就下一百層》那類遊戲，玩法就是不停控制主角順利往下走而不被阻擋；當然，遊戲不會讓你輕易完成，途中有不少障礙物阻你前進，由於停不下來，所以過程十分緊張刺激。

收集成就可升級

通常呢啲Game玩來玩去都係得一條路，好快玩悶，不過《Jetpack Joyride》勝在可以收集成就來升級，好似通過某個距離或者接觸到某幾位敵人就可以儲成就，獲得更多金幣，而金幣當然係用嚟買道具，相輔相成。

系統：iOS、Android

下載費用：免費

《BabySwitch》準爸媽互傳正能量

以懷孕護理為主題的Apps多不勝數，不過大多只為準媽媽而設，未有準爸爸的份兒。《BabySwitch》就特設「爸爸」和「媽媽」兩個版本，內容多元化，包括「每周資訊」、「產檢紀錄」、「我的孕記」、「購物清單」和「與爸爸/媽媽談心」等，更窩心是無論準爸爸或準媽媽在Apps上記下的資訊、相片或心底話，都可實時轉發給另一半知道，互相提示、關心，百忙之中都可得知另一半與寶寶的最新情況；尤其是「預約/活動資訊」一欄，就會羅列全港最新與孕婦相關的活動，包括免費講座和用品展等。

上載Facebook分享

至於「我的孕記」內的圖文都可上載至Facebook的預設相簿內，以便爸媽們日後回味。據已為父親的製作者Jacky表示，此Apps的創作意念，源自他的懷孕創作故事《寶貝爸媽》，故事內容於「閱讀Thx B」內不斷更新，與用家們分享由準爸爸蛻變為爸爸的心路歷程。

系統：iOS

下載費用：免費

《Fake iPhone 5》扮iOS 6

近排iPhone 5大熱，作為Android用家嘅你可能並唔係咁在意，不過都或者有興趣試用吓佢個新介面。用呢個App就可以模擬iOS 6個介面喇！唔單止上面每個Icon都可以對應原生各種功能，就算佢個獨有多工畫面同iOS專用背景都包埋，至於最經典嘅解鎖畫面，唔使問都當然有啦！

系統：Android

下載費用：免費

《3國小豬腦力王》得意百萬富翁

《3國小豬抓爆頭》咁成功，全因百萬富翁式玩法加埋得意小豬夠吸引。最近就添食咗《3國小豬腦力王》，主要問題分開「世界王」同「腦力王」兩種，不過就要購買完全版先可以有更多問題。大家見到咁可愛嘅小豬，相信都會心甘情願畀錢嘅。

系統：iOS、Android

下載費用：免費

《Monster Warlord》卡片怪獸育成

本來iOS有好多卡片怪獸育成遊戲，不過今次呢款《Monster Warlord》竟然得Android平台獨佔，而且此Game完成度非常之高，唔單止收集怪物達數百種之多，亦可以為旗下怪物進行合體，又分為火、水、風、土、暗等五種，以創造出最強怪物，不過當然要靠任務或者襲擊其他人去幫怪物成長啦！

系統：Android

下載費用：免費

《マッチに火をつけろ》火柴的故事

《マッチに火をつけろ》係關於劃火柴嘅遊戲，係無聊啲，不過安全過玩火多多聲，用嚟打發時間的確唔錯。遊戲入面，啲火柴千奇百怪嘅表情真係令人忍俊不禁，加上都幾考玩家反應，唔係不停捽芒就可以高分o架！都算幾耐玩。

系統：iOS、Android

下載費用：免費