應節場地精華遊

等了又等，中秋節終於來臨！要充分感受中秋佳節的歡樂氣氛，除了預備月餅、燈籠外，還需要一個充滿節日氣氛的地方來玩樂。小記今日充當導遊，精選多個中秋活動，大家可安坐家中睇清睇楚，才密謀今晚去邊度玩！

浪漫喱士情侶必到

貪靚的女士們定有留意近年Hit爆的Lace Fashion，今次將時裝藝術Crossover傳統中秋，請來著名時裝設計師瑪露迪Melody，設計別具一格的巨型Lace花燈裝飾，把Fashion設計注入花燈創作，變奏出擁有Fashion品味的藝術Lace花燈遊樂園，並以粉紅、粉紫色作主調，充滿浪漫情調，啱晒情侶前來觀賞。

「藝術Lace花燈迎中秋」

日期：即日至10月2日

地點：MCP新都城中心

查詢：3194 3200

型人塗鴉 潮爆花燈

邀請本地著名人型設計單位Toy2R，聯同美國世界級塗鴉大師Gary Baseman，製作多達30款不同姿態造型、樣子有趣可愛的人型潮氣燈籠，每盞花燈的主題造型各異，糅合傳統工藝與潮流塗鴉文化，讓大家從新角度欣賞中秋花燈。

「中秋國慶人型燈籠展」

日期：即日至10月7日

地點：觀塘apm

查詢：2267 0500

立體裝飾 豆丁最愛

許多朋友都喜歡香港著名藝術家Dorophy Tang筆下的Shopping Baby，今次的中秋布置注入普普藝術的元素，Shopping Baby以型爆的造型亮相，包括躺在白雲上賞月的「登月玉兔」，穿上潮格太空衣帶同應節月餅和燈籠的「星際太空人」等3個大型立體裝飾。

「中秋星際樂園」

日期：即日至10月7日

地點：大埔超級城

查詢：2665 6090

巨型綵燈 龍友必影

難以拍攝的景物，相信定能引起一眾龍友的拍攝意欲，好似維園的巨型月亮綵燈，約高18米，直徑達21米，散發出耀眼光芒，要拍攝「全景」真的不容易。同場還設立「綵燈廊」和「中秋市集」，售賣應節食品及舉行多樣化的工作坊，讓大家可於鬧市中一嘗近距離「賞月」的樂趣。

「李錦記綵燈大觀園」

日期：即日至10月2日

地點：香港維多利亞公園

網址：www.discoverhongkong.com