賓利服務嚴如PDI

賓利（Bentley）的造車工藝是業界的佼佼者，每個細節都經過精心雕琢，即使是一般的定期保養，要求都嚴格過人，Routine Inspection不只換油、檢查機械組件般簡單，窗邊有否漏風聲、車廂噪音等都在檢查清單之列。賓利香港售後服務總經理梁文頌指，經過原廠維修保養的賓利型號，都會以「Brand New Car」作為目標，猶如新車一樣，嚴謹程度好比新車做PDI。

賓利有自己的一套服務管理標準，而且水平定得超高，例如設在鴨脷洲的維修中心，客人尚未將汽車駛到二樓的接待處，門外已有專員等候，令人產生賓至如歸之感，梁先生認為：「賓利嘅售後服務團隊都算精簡，大概有50幾人，運作起嚟更有效率。皆因團隊可以好貼身咁理解客人需要，每位客人嚟到服務中心，可行嘅話都會由同一名維修顧問負責接待，以便準確掌握唔同車主嘅喜好及需求，溝通時就更有默契。而且售後服務係人嘅Business，部車嘅手工精細與否，好在乎師傅本身嘅技術同心機，所以我哋好着重員工嘅Welfare，因為Happy Employee會Make一個Happy Customer，有Happy Customer先會Bring to Business，呢個就係我哋嘅品牌理念。」

原廠支援無遠弗屆

港人做事講求效率，賓利提供的服務亦做到快、靚、正，梁先生指出：「萬一有零件缺貨，採購團隊會即時向原廠訂購，小至螺絲、大至車身組件都會透過速遞公司從英國空運到港，星期一喺香港落Order，星期三已經送到服務中心，喺業界嚟講屬超快水平。目前賓利唔只喺北京設有Regional Technical Office，英國亦有一班人專責Greater China嘅汽車維修保養事務，由於每部返廠Check車嘅賓利都會駁上已經連接總廠嘅診斷電腦，身處英國或北京嘅技術顧問，可以即時知道本港技術員做緊乜嘢，期間仲可即時畀到Advice，務求令每部車都得到最理想、合適嘅維修。」最近廠方還推出了Extended Warranty，車齡高達10年的Continental及Mulsanne車系，都可得到原廠保用，顯示廠方對客戶的貼心。

新設高規格噴油工房

為使車主更了解愛車的操作和功能，新車交貨後六星期，維修中心會特別邀請他們進行一個Run-in Inspection，確保駕駛者完全掌握新車特性，培訓過程可在客人指定的地方進行，時間和地點有很大彈性。另一方面，今年二月賓利香港設立了全新的噴油工房，採用最新設計的通風系統，更有效控制濕度和熱度，配合廠方指定的全新水溶性油漆，使油漆堅硬度大大提高，令車身顏色更富質感和耐用。此外，技術員均接受過英國原廠的專業培訓及考核，所有噴油工序都根據廠方指定程序及技術進行，確保質素達到廠方的嚴格要求。現時本港有兩所賓利維修服務中心，分別位於鴨脷洲及九龍灣，合共佔地逾61,000平方呎，可一次過處理60輛車，確保準時交車。

查詢：2553 7713、2262 1288 （Bentley Service）