iPhone養搞鬼Furby

話說1998年Furby推出嗰陣曾經風靡全球，無他，個樣可愛之餘，仲要識講識郁，超過癮！當大家以為電子寵物已經Out晒嘅時候，14年後嘅今日，呢隻Furby又再出擊，外形分別唔大，特別在可以配合專用嘅《Furby》 App嚟玩，可以餵佢食嘢，勁互動呀喂！

《Furby》玩法互動

今次呢隻新版Furby依舊毛茸茸，又有機械眼皮同埋橡膠耳朵，不過雙眼就改為液晶顯示，令眼神多變，亦更加可愛。跟以往一樣，Furby會因應玩家行為而畀反應，好似幫佢搔癢，Furby就會咔咔笑兼心心眼，仲可以將佢倒立、搖晃，就連播音樂，佢都識跟Beat跳，又可以教佢簡單英語，都幾多玩法。而最特別就係加入iPhone App互動，App內設有「美食廚房」及「漢堡包廚房」，整好之後，喺iPhone畫向往Furby置身嘅方向掃，佢就會接收到食物；玩家又可以透過「即時翻譯功能」及「Furbish字典」，解讀甚至學Furby嘅語言「Furbish」，以後就唔怕雞同鴨講喇！

《DeskPets Tankbot》手機遙控小坦克

男士們未必鍾意玩Furby，而DeskPets系列嘅遙控玩具可能啱玩啲。好似小記試玩過Tankbot，過日辰確係幾討好！最好玩當然係支援iPhone及Android手機，免費下載相關App加埋個無線發射器配件就可以變身遙控器，過癮！

三種模式易操控

雖然Tankbot外形的骰，但其實內置三種控制模式，包括識動自動避開障礙物嘅智能導航行走模式、隨機行走嘅自主個人化模式等。而最好玩係手機遙控模式，只要將無線發射器插入手機個3.5mm插口，再開啟《Deskpets》程式，就可以用手機遙控隻坦克，接收都幾靈敏，識向前後行外，仲可以極速原地自轉。$229/架（b）

查詢：（a）2738 8300、（b）2385 5188