喺香港，想買對靚靚喱士短襪，不容易，而且吸血定價嚇親人，以日系Select Shop為例，盛惠數十元至百多元不等。小記有以下經驗：幾年前，曾經於日牌專門店Frapbois買過一對黑色喱士波點短襪，由於一見鍾情，即使索價$300多，一樣照買。但經過上回到韓國，圖中的白色喱士波點短襪，價錢平到暈，韓圜1,500，相等於港幣$10左右，決定以後去開韓國，都要買番一打半打。
