期間限定多啦A夢食落肚

多啦A夢這位長青卡通代表人物，即使由叮噹改名做多啦A夢，依然受到大、小朋友熱捧。最近Bo-Lo'GNE Cafe & Bar於海港城分店大搞「多啦A夢誕生前100年祭」主題Cafe，無論環境和食物都見多啦A夢蹤影，粉絲們到來，肯定唔捨得走。

今年9月3日，是多啦A夢誕生前100年，有商場就舉辦主題展覽。除有不同的經典場景，還有100件未來法寶展覽，更甚者，還可以將之吃入肚。同樣來自日本的Bo-Lo'GNE Cafe &Bar被選為唯一的展覽主題Cafe，於限定期間內，變成多啦A夢世界，牆上貼滿色彩繽紛的卡通貼紙，門口更放了一個1.3米高的多啦A夢塑像，超有氣勢又亮眼的。

好睇又好食

但講到最吸引的，非一系列主題食品莫屬。別以為設計一款菜式，只是印上圖像咁簡單。總廚雷師傅表示，每件出品都要交給本地代理作審批，確保符合有關規定才可過關。這裏無論漢堡包餐抑或意粉餐，都有多啦A夢或多啦美的頭像，原來這些都經過反覆研究及創作出來的。「其他人可能會用班戟印上圖像，但我就將蛋白輕煎成圓形後，再灑上用墨西哥辣椒粉、日本梅粉加糖粉混合而成粉末，做出顏色鮮艷的主角頭像，賣相靚又食得落肚。」至於意粉餐的綠色多啦A夢，則特別以昆布及紫菜粉的顏色跟意大粉撞色，心思十足。

主角陪飲啡

眾所周知，81層鬆軟麵包是幫襯Bo-Lo'GNE Cafe & Bar必吃之選，今次餐廳將之變成傳說中的「法寶記憶麵包」，再加上日本運來的朱古力筆，吸引力大增。至於蜜糖雪糕甜品，則必定要試特別用人手逐粒砌成的軟心朱古力。入口芝麻和牛奶朱古力餡料即時溶化，流心口感，令人吃不停口。既然是Cafe，又怎能不提咖啡？飯後來杯香濃咖啡，咖啡師會用咖啡粉做出多啦A夢、大雄、靜香、胖虎和小夫等主角的模樣，問你點捨得飲？

Shop Info

Bo-Lo'GNE Cafe & Bar 　　　　

地址：海港城海運大廈三階LCX 7E3A號舖　　　　　

電話：2730 4400

註：1.多啦A夢誕生前100年祭主題Cafe，供應期由即日起至9月30日。

2.所有多啦A夢食品，今日於3:00pm後供應，明天起至9月30日則全日供應。