拎起創意

前陣子新聞指有人買唔起動輒上萬銀嘅名牌手袋，就以名牌紙袋充場面，可見現今紙袋已經唔再係一個普普通通嘅包裝袋！比起名牌紙袋，小記反而喜歡那些設計過癮又有意思嘅包裝袋，雖然冇名牌效應嘅虛榮感，但噱頭十足，都照樣可以令人對品牌留有深刻印象，而生鬼有趣嘅設計更保證令大家會心微笑！

Alex Reporter

趣味奶嘴

朋友們一個又一個有喜，湊仔咁辛苦，相信年輕父母需要一些幽默的嬰兒用品調劑一下。有說戴奶嘴妨礙小朋友的牙齒生長，但偏偏有人設計得意過癮嘅奶嘴，等你唔捨得唔買呀！

Keith Reporter

上星期十號風球，有遮同無遮都係由頭濕到落腳，更甚係一個大風吹埋嚟，遮都翻埋！想要全副防風裝備？不妨試試這款新式球形雨傘，180°全方位保護，風再大都唔使驚啦！

Yilam Reporter

生活中的小缺憾，換個角度看，其實笑吓就過咗。例如若你發現家中牆壁出現大裂縫，相信必定搵裝修師傅，可是落在法國街頭藝術家OaKoAk手中，加幾筆就變成蜘蛛俠的飛躍繩索；又或是牆上的小鐵枝，加上「插死人」的公仔，成件事當堂好笑咗！

Amy Editor

日本出生，現居美國的藝術家Sayaka Kajita Ganz，擅長創作各種動物雕塑，最有趣是她所選用的素材全是被人丟棄的廢物，塑膠湯匙、即棄刀叉、膠衣架、舊玩具及金屬零件乜都有，為一堆廢物賦予新生命，將藝術與生活融合。

Pasu Reporter

上月到韓國公幹，慕名到化妝品牌Too Cool for School的總店入貨，怎知卻發現這堆怪形怪相嘅人形公仔，唔通韓國人都興養鬼仔？原來公仔係畀大家塗上各式各樣的化妝品，自學提升化妝技巧，但農曆七月見到都咪話唔驚。

Candy Reporter

地點：韓國首爾