AOC 57及60ID新芒冰河世紀天下

AOC同電影公司合作已非首次，最近就跟Twentieth Century Fox Film聯手舉辦《冰河世紀4玩轉新大陸》AOC新型號發布會，並以最新顯示器57及60ID系列播放即將上映的《冰河世紀4玩轉新大陸》。這兩款新芒亦各有特色，57系列係首款IPS加3D視效兼具薄邊框外形的款式；而60ID就係商用芒，具備空氣淨化、多角度調整，以及充電USB等功能。

完美3D芒 AOC 57

AOC 57是近年芒中少見的高階款式，不但配備支援3D視效的IPS面板，邊框更是超幼。雖然3D視效只有27吋型號支援，不過由於採用了被動式3D技術，使用的是較低成本的偏光眼鏡，同戲院嗰副用埋同一技術，所以如果各位家中已有一副，就可以一家大細睇3D影片了；再加上IPS芒色彩艷麗，可視角度高，細路仔都唔怕睇壞眼，確係闔家歡之選。

淨化空氣 AOC 60ID

歸類為商用系列的60ID，竟有全球首創的空氣淨化功能！芒上有一小孔，只要用家開啟功能，即會自動淨化空氣，而且本身亦有1.5A USB充電介面，就算唔開芒都一樣叉到電。加上底座可支援多角度調整，就算將個芒垂直顯示都無問題。而由即日起至7月30日，凡買AOC芒都可以得到《冰河世紀4》電影紀念品，如留低《冰河世紀4》戲飛飛尾，買AOC 57系列時，更可當$100現金使用呢！

查詢︰2743 4848